ۇلىستىڭ ۇلى كۇنى ءاز ناۋرىز مەرەكەسىن تويلاۋ ءالى دە ءوز جالعاسىن تاۋىپ كەلەدى. قازاقستان حالقى اسسامبلەياسى ءححى سەسسياسى قارساڭىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «استانا كوكتەمى» اتتى ناۋرىز تويى اتالىپ ءوتتى. شارانى اتالعان ۋنيۆەرسيتەت پەن قازاقستان حالقى اسسامبلەياسى بىرلەسىپ ۇيىمداستىرىپتى.
ءراسىمدى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ اشتى. پارلامەنت سەناتىنىڭ دەپۋتاتى اناتولي باشماكوۆ, ءبىلىم جانە عىلىم ۆيتسە-ءمينيسترى تاحير بالىقباەۆ, تاعى باسقا ازاماتتار ۇلىس كۇنىمەن ۋنيۆەرسيتەت الدىنان «بىرلىك» اتتى اللەيانىڭ اشىلۋىمەن قۇتتىقتادى. ولار بەرەكەنىڭ باستاۋى بىرلىكتە ەكەنىن ايتا كەلە, ءبىلىم ورداسىنىڭ تابىستارىنا دا توقتالدى. «ءبىز رەيتينگ بويىنشا الەمدەگى ءۇش ءجۇز ۋنيۆەرسيتەتتىڭ قاتارىنا ەنسەك, ەلىمىز ۋنيۆەرسيتەتتەرى اراسىندا العاشقى ورىندامىز. بۇل كورسەتكىشتەر ۋنيۆەرسيتەتىمىزدىڭ العا قاراي جىلجۋىنا تىڭ سەرپىن بەرەدى», دەدى ە.سىدىقوۆ.
«اتاڭنان مال قالعانشا, تال قالسىن» دەگەن حالىق ناقىلىن جادىندا ۇستاعان جۇرتشىلىق اللەياعا اعاشتار وتىرعىزدى. جۇمىلعان جۇرت قاتارىندا ءسولتۇستىك قازاقستان وبلىسى, شال اقىن اۋدانىنان ارنايى كەلگەن كەڭەس وداعىنىڭ باتىرى الەكساندر ۆيكتورەنكو دا بولدى. اقساقال بۇگىنگى شارانى ەلىمىزدەگى تاتۋلىقتىڭ تاعى ءبىر كورىنىسىندەي قابىلدايتىنىن ايتا وتىرىپ, ستۋدەنت جاستارعا «ادام باقىتتى ادال ەڭبەكتەن عانا تابادى» دەگەن اتالىق اقىلىن العا تارتتى.
ءبىلىم وشاعىنداعى ناۋرىز تويى تەاترلانعان كورىنىستەرمەن جالعاسىپ جاتتى. ۇلتتىق قولونەر بۇيىمدارى مەن بەينەلەۋ ونەرىنىڭ شەبەرلەرىنەن قۇرالعان جاستاردىڭ كورمە جارمەڭكەسى دە جينالعانداردىڭ قىزىعۋشىلىقتارىن تۋدىردى. سونداي-اق, اسىق اتۋ ويىنى دا ەرەكشە اسەرگە بولەدى. قازاق كۇرەسىنەن باعىن سىناعاندارعا تىلەكشىلەردىڭ قاراسى كوپ بولدى.
مەرەيدى وسىرگەن ۇلتتىق مەرەكە, ۇلىستىڭ ۇلى كۇنى ءسان-سالتاناتىمەن ەستە قالدى.
ءابدىراحمان قىدىربەك,
«ەگەمەن قازاقستان».
––––––––––––––––
سۋرەتتى تۇسىرگەن
ەرلان وماروۆ.
ءراسىمدى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ اشتى. پارلامەنت سەناتىنىڭ دەپۋتاتى اناتولي باشماكوۆ, ءبىلىم جانە عىلىم ۆيتسە-ءمينيسترى تاحير بالىقباەۆ, تاعى باسقا ازاماتتار ۇلىس كۇنىمەن ۋنيۆەرسيتەت الدىنان «بىرلىك» اتتى اللەيانىڭ اشىلۋىمەن قۇتتىقتادى. ولار بەرەكەنىڭ باستاۋى بىرلىكتە ەكەنىن ايتا كەلە, ءبىلىم ورداسىنىڭ تابىستارىنا دا توقتالدى. «ءبىز رەيتينگ بويىنشا الەمدەگى ءۇش ءجۇز ۋنيۆەرسيتەتتىڭ قاتارىنا ەنسەك, ەلىمىز ۋنيۆەرسيتەتتەرى اراسىندا العاشقى ورىندامىز. بۇل كورسەتكىشتەر ۋنيۆەرسيتەتىمىزدىڭ العا قاراي جىلجۋىنا تىڭ سەرپىن بەرەدى», دەدى ە.سىدىقوۆ.
«اتاڭنان مال قالعانشا, تال قالسىن» دەگەن حالىق ناقىلىن جادىندا ۇستاعان جۇرتشىلىق اللەياعا اعاشتار وتىرعىزدى. جۇمىلعان جۇرت قاتارىندا ءسولتۇستىك قازاقستان وبلىسى, شال اقىن اۋدانىنان ارنايى كەلگەن كەڭەس وداعىنىڭ باتىرى الەكساندر ۆيكتورەنكو دا بولدى. اقساقال بۇگىنگى شارانى ەلىمىزدەگى تاتۋلىقتىڭ تاعى ءبىر كورىنىسىندەي قابىلدايتىنىن ايتا وتىرىپ, ستۋدەنت جاستارعا «ادام باقىتتى ادال ەڭبەكتەن عانا تابادى» دەگەن اتالىق اقىلىن العا تارتتى.
ءبىلىم وشاعىنداعى ناۋرىز تويى تەاترلانعان كورىنىستەرمەن جالعاسىپ جاتتى. ۇلتتىق قولونەر بۇيىمدارى مەن بەينەلەۋ ونەرىنىڭ شەبەرلەرىنەن قۇرالعان جاستاردىڭ كورمە جارمەڭكەسى دە جينالعانداردىڭ قىزىعۋشىلىقتارىن تۋدىردى. سونداي-اق, اسىق اتۋ ويىنى دا ەرەكشە اسەرگە بولەدى. قازاق كۇرەسىنەن باعىن سىناعاندارعا تىلەكشىلەردىڭ قاراسى كوپ بولدى.
مەرەيدى وسىرگەن ۇلتتىق مەرەكە, ۇلىستىڭ ۇلى كۇنى ءسان-سالتاناتىمەن ەستە قالدى.
ءابدىراحمان قىدىربەك,
«ەگەمەن قازاقستان».
––––––––––––––––
سۋرەتتى تۇسىرگەن
ەرلان وماروۆ.
