ورتالىق رەفەرەندۋم كوميسسياسىنىڭ توراعاسى نۇرلان ءابدىروۆ ەقىۇ-نىڭ رەفەرەندۋمدى باعالاۋ جونىندەگى دياقب ميسسياسىنىڭ باسشىسى تاماش مەسەريچپەن كەزدەستى.
كەزدەسۋگە ورتالىق رەفەرەندۋم كوميسسياسى توراعاسىنىڭ ورىنباسارى كونستانتين پەتروۆ, حاتشىسى مۇحتار تىلدابەك ۇلى, كوميسسيا مۇشەلەرى اناستاسيا ششەگورتسوۆا, اسىلبەك سماعۇلوۆ, سونداي-اق ەقىۇ دياقب ميسسياسىنىڭ مۇشەلەرى قاتىستى.
نۇرلان ءابدىروۆ جۋىردا نۇر-سۇلتان قالاسىنا كەلگەن ەقىۇ/دياقب رەفەرەندۋمدى باعالاۋ جونىندەگى ميسسياسىنىڭ مۇشەلەرىنە ءىلتيپات ءبىلدىرىپ, ميسسيا مۇشەلەرىن رەفەرەندۋمعا دايىندىق پەن ونى وتكىزۋدىڭ نەگىزگى كەزەڭدەرىمەن قىسقاشا تانىستىردى.
ميسسيا باسشىسى تاماش مەسەريچ مىرزا قازاقستاندىق تاراپقا قابىلداۋ ءۇشىن العىسىن ءبىلدىرىپ, ميسسيا مۇشەلەرىن تانىستىردى.
تاراپتار رەفەرەندۋمدى بايقاۋدىڭ بۇكىل كەزەڭى ىشىندە بەلسەندى ءوزارا ءىس-قيمىل جاساۋ تۋرالى ۋاعدالاستى.
كۇننىڭ ەكىنشى جارتىسىندا ونلاين-فورماتتا ورتالىق رەفەرەندۋم كوميسسياسى مۇشەلەرىنىڭ تمد پاا بايقاۋشىلار توبىمەن كەزدەسۋى ءوتتى.
ورتالىق رەفەرەندۋم كوميسسياسىنىڭ توراعاسى تمد پاا بايقاۋشىلارىن رەفەرەندۋم جونىندەگى اعىمداعى ناۋقاننىڭ نەگىزگى كەزەڭدەرىمەن تانىستىردى.
ءوز كەزەگىندە, باس حاتشى – تمد پاا كەڭەسى حاتشىلىعىنىڭ باسشىسى دميتري كوبيتسكي ورتالىق رەفەرەندۋم كوميسسياسىنا كەزدەسۋدى ۇيىمداستىرعانى جانە وتكىزگەنى ءۇشىن العىسىن ءبىلدىردى. تمد پاا وكىلدەرى بەرىلگەن مۇمكىندىكتى پايدالانا وتىرىپ, رەسپۋبليكالىق رەفەرەندۋمعا دايىندىق پەن ونى وتكىزۋگە قاتىستى ءتۇرلى سۇراقتار قويدى.
كەزدەسۋ سوڭىندا تاراپتار رەفەرەندۋمدى ۇيىمداستىرۋ مەن وتكىزۋ جانە ونى بايقاۋ جونىندەگى جۇمىستا ءوزارا تابىس تىلەدى.
