ايماقتار • 25 مامىر، 2022

شىمكەنتتە حالىقارالىق مەكتەپ پايدالانۋعا بەرىلەدى

35 رەت كورسەتىلدى

بيىل ءۇشىنشى مەگاپوليستە تۇڭعىش حالىقارالىق مەكتەپ پايدالانۋعا بەرىلمەك. زاماناۋي مەكتەپتە وقۋشىلارعا جەرگىلىكتى جانە شەتەلدىك جوعارى بىلىكتى پەداگوگتەر حالىقارالىق ستاندارتقا سايكەس ءۇش تىلدە ءبىلىم بەرەدى، دەپ جازادى Egemen.kz.

اۋماعى 1،8 گەكتار بولاتىن، 900-گە جۋىق وقۋشىعا ارنالعان مەكتەپ قۇرىلىسىن «وتاۋ-ستروي» جشس-ى جۇرگىزۋدە. سوڭعى ۇلگىدە جابدىقتالاتىن 60 وقۋ كابينەتىندە وقۋشىعا قاجەتتى بارلىق قۇرالدار ۇسىنىلادى.  «وتاۋ-ستروي» جشس-ى باسشىسى اسلان الىمبەكتىڭ ايتۋىنشا، مەكتەپ بيىل قىركۇيەكتە پايدالانۋعا بەرىلەدى. قۇرىلىس جۇمىستارىنىڭ بارىسىن بىلۋگە كەلگەن شىمكەنت قالاسىنىڭ اكىمى مۇرات ايتەنوۆكە وسىنداي مالىمەتتەر بەرىلدى.

،

سونداي-اق «Alan» حالىقارالىق مەكتەبىنىڭ زاماناۋي كامپۋسى وقۋشىلارعا جايلىلىق سىيلاپ، ەش الاڭسىز ءبىلىم الۋىن قامتاماسىز ەتەتىنى ايتىلدى. باستاۋىش سىنىپ وقۋشىلارى ءبىلىم الاتىن بلوك جۇمىسى تانىستىرىلدى. مەكتەپ ديرەكتورى ءبىر سىنىپتا وقيتىن بالالاردىڭ سانى 20-دان اسپايتىنىن ايتادى. وقۋشىلاردى تاماقتاندىرۋ ماسەلەسى نازاردان تىس قالماعان. تاڭعى 8-دەن كەشكى 5-كە دەيىن مەكتەپ قابىرعاسىندا بولاتىن ولارعا 3 مەزگىل قۇنارلى تاماق ديەتولوگ كەڭەسىمەن بارلىق تالاپقا سايكەس بەرىلەدى. تاماق راتسيونىندا بالانىڭ زەيىنىن، ەستە ساقتاۋ قابىلەتىن ارتتىراتىن پايدالى تاعامدار كوپ بولماق.  قاۋىپسىزدىك ماسەلەسى دە باستى نازاردا. «وقۋشىلار بوس ۋاقىتىن ءتيىمدى پايدالانۋى كەرەك. ساباقتان تىس ۋاقىتتا ءتۇرلى ۇيىرمەلەرگە قاتىسىپ ءبىلىمىن شىڭداعانى ءجون. بارلىق ۇيىرمەلەر مەكتەپ ىشىندە بولعانى وتە ءتيىمدى. وقۋشى ۋاقىت جوعالتپايدى. وقۋشىلاردىڭ ساپالى ءبىلىم الۋىنا بارلىق مۇمكىندىك جاسالۋى ءتيىس»، دەي كەلە مۇرات ايتەنوۆ جاڭا وقۋ جىلىندا پايدالانۋعا بەرىلەتىن حالىقارالىق مەكتەپتىڭ كونتسەپتسياسى مەن ميسسياسىنا جوعارى باعا بەرىپ، ساتتىلىك تىلەدى. 

 

شىمكەنت

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار