قىزىلوردا وبلىسىنىڭ سىبايلاس جەمقورلىققا قارسى قىزمەتىمەن اۋديتورلىق تەكسەرۋ جۇرگىزۋ بارىسىندا بىرنەشە رەت پارا العانى ءۇشىن قىزىلوردا وبلىسىنىڭ ىشكى مەملەكەتتىك اۋديت دەپارتامەنتىنىڭ ءبولىم باسشىسى مەن باس مامان-مەملەكەتتىك اۋديتورىنا قاتىستى پارا الۋ فاكتىسى بويىنشا سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە.
«اۋديتورلىق تەكسەرۋ جۇرگىزۋ كەزىندە اتالعان تۇلعالار وزدەرىنىڭ لاۋازىمدىق وكىلەتتىكتەرىن اسىرا پايدالانا وتىرىپ, «قىزىلوردا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى» مم-نە باعىنىستى مەكەمە بۋحگالتەرلەرىنە كيىلگەن كيىمدەردى (پالتو, كۇرتەشە, ورامال) كوتەرىڭكى باعامەن وتكىزۋدى تالاپ ەتىپ, ساتۋدان تۇسكەن 456 000 تەڭگە اقشالاي قاراجاتتى ءوز قالتاسىنا العاندىعى انىقتالدى», دەلىنگەن ANTIKOR حابارلاماسىندا.
