جوباعا ەلىمىزدىڭ ءار وڭىرىندەگى جوعارى سىنىپ وقۋشىلارى, كوللەدجدەر مەن جوعارى وقۋ ورىندارىنىڭ ستۋدەنتتەرى قاتىسا الادى.
«جوبا اياسىندا تاۋەلسىزدىك جىلدارىندا جەتىستىككە قول جەتكىزگەن قازاقستاندىقتاردىڭ قاتىسۋىمەن ءار ءتۇرلى فورماتتاعى شارالار وتكىزىلەتىن بولادى. ءار وڭىردە «دارىن» مەملەكەتتىك جاستار سىيلىعى لاۋرەاتتارىنىڭ قاتىسۋىمەن نەتۆوركينگ جانە تاجىريبە الماسۋ, پىكىرتالاس الاڭدارى قۇرىلىپ, ەبەرلىك سىنىپتارى, سەمينار-ترەنينگتەر وتكىزىلەدى», دەدى جوبانى تانىستىرعان جوبا مەنەدجەرى ەلۆيرا سارسەناليەۆا.
قىركۇيەكتە «تاۋەلسىزدىك ۇرپاقتارى» جوباسى اياسىندا نۇر-سۇلتان, شىمكەنت, الماتى قالالارىندا «بولاشاق قازاقستان مەنىڭ كوزىممەن» اتتى تEDx-كونفەرەنتسياسى وتەدى.
«بۇل ءىس-شارالاردا جاستاردىڭ ەڭ بەلسەندى self - made وكىلدەرى مەملەكەتتىڭ دامۋى مەن ماڭىزدى الەۋمەتتىك ماسەلەلەردى شەشۋگە قاتىستى ءوز كوزقاراستارىن ۇسىنادى», دەپ اتاپ ءوتتى ەلۆيرا سارسەناليەۆا.
ءاربىر تEDx-كونفەرەنتسيادان كەيىن جاستاردىڭ ءبىر-بىرىمەن تانىسۋىنا, تاجىريبە الماسۋىنا, ولاردىڭ باستامالارىن تالقىلاۋعا مۇمكىندىك بەرەتىن نەتۆوركينگ-كەزدەسۋلەر ۇيىمداستىرىلادى.
سونداي-اق «قازاقستاندىق دامۋ قاۋىمداستىعى» زتب جاستار رەسۋرستىق ورتالىقتارىمەن بىرلەسىپ, «شەشەندىك ونەر», «قارجىلىق ساۋاتتىلىق», «تايم-مەنەدجمەنت», «كرەاتيۆتى يندۋستريا», «بلوگتى جۇرگىزۋ», «سالاۋاتتى ءومىر سالتى» تاقىرىپتارىنداعى وففلاين-شەبەرلىك ساعاتتارىن وتكىزبەك.
سونىمەن قاتار جوبا ۇيىمداستىرۋشىلارى قازاقستاندىق تالانتتى جاستاردىڭ قاتىسۋىمەن بەينە-پودكاستتاردى ازىرلەيتىن بولادى.
ء«بىرىنشى كەزەكتە, مۇنداي جوبالار جاستاردىڭ ءوزىن-ءوزى دامىتۋعا ىنتالاندىرۋ ءۇشىن قاجەت. «تاۋەلسىزدىك ۇرپاقتارى» جوباسى وتە وزەكتى, بۇگىن ءبىز «حالىق ۇنىنە قۇلاق اساتىن مەملەكەت» تۇجىرىمداماسى بويىنشا جۇمىس ىستەپ جاتقانىمىزدىقتان, جاس قازاقستاندىقتاردىڭ پىكىرى ەلدىڭ دامۋى ءۇشىن وتە ماڭىزدى», دەپ قورىتىندىلادى ءسوزىن ەلۆيرا سارسەناليەۆا.
«تاۋەلسىزدىك ۇرپاقتارى» جوباسى تۋرالى تولىق اقپاراتتى مىنا سىلتەمە ارقىلى الۋعا بولادى: https://www.instagram.com/p/CdcatbPtblv/?igshid=MDJmNzVkMjY
