ۇكىمەت • 24 مامىر، 2022

ااك الاتىن تۇرعىندارعا گاز باعاسى تومەن بولادى

23 رەت كورسەتىلدى

مەملەكەتتىك اتاۋلى الەۋمەتتىك كومەك الاتىن تۇرعىندارعا گاز باعاسى 20 پايىزعا تومەندەيدى. بۇل جايىندا قر پرەمەر-ءمينيسترى ءاليحان سمايىلوۆتىڭ سەنات دەپۋتاتتارىنىڭ ساۋالىنا بەرگەن جاۋابىندا ايتىلعان، دەپ حابارلايدى Egemen.kz.

«بۇگىندە جاڭا وڭىرلەردى شىعىنسىز گازداندىرۋ جانە حالىقتىڭ الەۋمەتتىك جاعىنان از قامتىلعان توبىنىڭ مۇددەسىن قورعاۋ تەتىكتەرى انىقتالعان. قوعامدىق ماڭىزى بار نارىقتا باعا بەلگىلەۋ ەرەجەسىنە وزگەرىس ەنگىزىلدى. وندا تۇتىنۋشىلاردىڭ 9-شى توبى – مەملەكەتتىك اتاۋلى الەۋمەتتىك كومەك نەمەسە تۇرعىن ءۇي كومەگىن الاتىن تۇتىنۋشىلار قوسىلعان. 2022 جىلدىڭ 1 ساۋىرىنەن باستاپ تۇتىنۋشىلاردىڭ اتالعان توبى ءۇشىن تاۋارلىق گازدى بولشەك ساۋدادا ساتۋ باعاسى تاراز بەن ورال قالاسىندا ىلكى رەجيمدە 20 پايىزعا تومەندەتىلدى. ىلكى جوبا اياقتالعاننان كەيىن ونىڭ قورىتىندىسىندا اتالعان شارا ەلىمىزدىڭ بارلىق گازداندىرىلعان وڭىرىندە قولدانىلا باستايدى»، دەپ اتاپ وتەدى ۇكىمەت باسشىسى.

سونىمەن قاتار ول ء«ىرى كوممەرتسيالىق گاز تۇتىنۋشى» جانە «تسيفرلىق ماينينگ جۇزەگە اسىراتىن تۇلعا» دەپ اتالاتىن تۇتىنۋشىلاردىڭ جاڭا ەكى ساناتىن قوسىلاتىنىن ايتادى.

«ايتالىق، تاۋارلىق گاز باعاسى وسكەن جاعايدا تۇتىنۋشى توپتارىنا، ونىڭ ىشىندە ەكونوميكا سالالارىنا گاز قۇنىن تولەۋ كەزىندەگى جۇكتەمەنى تومەندەتۋ ماقساتىندا جۇكتەمەنى تۇتىنۋشىلاردىڭ اتالعان ەكى ساناتىنا ءبولۋ ۇسىنىلادى»، دەدى ءاليحان سمايىلوۆ.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار