قازاقستان • 24 مامىر، 2022

«دوستىق» كانالى ارقىلى 330 ملن تەكشە مەتر سۋ الىنادى

33 رەت كورسەتىلدى

ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ ۇكىمەتتىڭ كەزەكتى وتىرىسىندا ۆەگەتاتسيالىق كەزەڭدە ەگىس سۋعارۋعا جۇمسالاتىن سۋدىڭ 97 پايىزىن وڭتۇستىكتەگى 4 ءوڭىر يگەرىپ وتىرعانىن ايتتى، دەپ حابارلايدى Egemen.kz.

«بارلىق سۋ توعانىنان تۇراقتى سۋارۋعا شامامەن 11،6 تەكشە شاقىرىم سۋ جۇمسالادى. ونىڭ 11،3 تەكشە شاقىرىم نەمەسە 97 پايىزى - 4 وڭتۇستىك وبلىسقا تيەسىلى. ول – 1،28 ملن گەكتار سۋارمالى الاڭى بار نەمەسە ەل بويىنشا بارلىق سۋارمالى الاڭنىڭ 80 پايىزىن (1،6 ملن گا) قۇرايتىن الماتى، جامبىل، تۇركىستان جانە قىزىلوردا وبلىستارى»، دەدى مينيستر.

سونداي-اق ول قىرعىزستان رەسپۋبليكاسىمەن ارادا قالىپتاسقان ۇيرەنشىكتى ءتاسىل بويىنشا جاز ايلارىندا 330 ملن تەكشە مەتر سۋدى قوسىمشا الۋ كەلىسىمى بار ەكەنىن ەسكە سالدى.

«شەكتەس ەلدەرمەن ىنتىماقتاستىق شەڭبەرىندە قىرعىز تاراپىمەن تاۋار الماسۋ جانە كوممەرتسيالىق نەگىزدە ەلەكتر ەنەرگياسىن جەتكىزۋ بويىنشا «دوستىق» كانالى ارقىلى جاز ايلارىندا 330 ملن تەكشە مەتر كولەمىندە سۋ بەرۋ ماسەلەسىن شەشۋگە قول جەتكىزىلدى»، دەدى ەكولوگيا ءمينيسترى.

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار