قر ۇكىمەتى باسشىسىنىڭ ءباسپاسوز قىزمەتىنەن ءمالىم ەتكەندەي, قازاقستاندىق دەلەگاتسيا تەگەراندا يران يسلام رەسپۋبليكاسىنىڭ (ير) باسشىلىعىمەن ساۋدا-ەكونوميكالىق ىنتىماقتاستىقتى كەڭەيتۋ جانە ەكى ەل اراسىنداعى ترانزيتتىك الەۋەتتى جانداندىرۋ ماسەلەلەرى بويىنشا كەلىسسوز جۇرگىزدى.
ير-ءدىڭ ءبىرىنشى ۆيتسە-پرەزيدەنتى موحامماد موحبەرمەن كەلىسسوز بارىسىندا قازاقستاندىق تاراپ يران اۋماعى ارقىلى «سولتۇستىك-وڭتۇستىك» باعىتى بويىنشا, كەيىننەن پارسى شىعاناعى, افريكا, وڭتۇستىك ازيا ەلدەرىنە جانە باسقا دا وڭىرلەرگە, ونىڭ ىشىندە مۋلتيمودالدىق جۇك تاسىمالدارىن پايدالانا وتىرىپ, جۇكتەردى تاسىمالداۋدى ۇلعايتۋعا مۇددەلىلىگىن راستادى.
قازاقستان-يران كولىك ىنتىماقتاستىعىن كەڭەيتۋدىڭ ماڭىزدىلىعى تۋرالى ايتا كەلە, يران تاراپى كولىك-لوگيستيكالىق ىنتىماقتاستىقتى دامىتۋ جونىندەگى كەلىسسوزدەردىڭ جەمىستى سيپاتىن اتاپ ءوتتى. ير ءبىرىنشى ۆيتسە-پرەزيدەنتى م. موحبەر وسى ماقساتتارعا قول جەتكىزۋ يران مەن قازاقستاندى ماڭىزدى وڭىرلىك حابقا اينالدىرا الاتىنىن اتاپ ءوتتى.
ەكى تاراپ تا سوڭعى جىلدارى تاۋار اينالىمى ءوسىمىنىڭ جاقسى سەرپىنى بايقالىپ وتىرعانىن اتاپ ءوتتى. سونىمەن قاتار يرانمەن ساۋداداعى قازىرگى حالىقارالىق شەكتەۋلەر كەزىندە دە الەۋەت ەلەۋلى بولىپ قالۋدا. مىسالى, تاماق ونەركاسىبىندە قازاقستان استىق, كونديتەرلىك جانە ۇن ونىمدەرىنىڭ, ەت جانە ەت ونىمدەرىنىڭ, سونداي-اق جانۋارلاردان الىناتىن باسقا دا ونىمدەردىڭ ەكسپورتىن ۇلعايتۋعا دايىن.
بۇل رەتتە, قازاقستاندا يران جەمىس-كوكونىس ونىمىنە سۇرانىس بار. كەلىسسوزدەر بارىسىندا تاراپتار ونەركاسىپتىك كووپەراتسيا سالاسىنداعى ىنتىماقتاستىقتى ارتتىرۋ ماسەلەلەرىن دە تالقىلادى. اۋىل شارۋاشىلىعى ونىمدەرىن قايتا وڭدەۋ سالاسىنداعى بىرلەسكەن جوبالاردى, مىسالى, اۋىل شارۋاشىلىعى شيكىزاتىن قايتا وڭدەۋ جونىندەگى جوبالاردى ىسكە اسىرۋ ءۇشىن ۇلكەن مۇمكىندىكتەر بار ەكەنى اتاپ ءوتىلدى.
بۇدان بولەك, ساۋدا, اۋىل شارۋاشىلىعى, دەنساۋلىق ساقتاۋ, مۇناي, كولىك جانە قالالىق دامۋ مينيسترلىكتەرىندە, سونداي-اق تەمىرجول اكىمشىلىگىنىڭ, ۇلتتىق بانكتىڭ, ۇلتتىق مۇناي كومپانياسىنىڭ باسشىلىعىمەن, ساۋدا-ونەركاسىپ پالاتاسىنىڭ جانە ەلدىڭ كەيبىر پروۆينتسيالارىنىڭ وكىلدەرىمەن كەزدەسۋلەر ءوتتى.
