بيزنەس • 20 مامىر، 2022

قازاقستانعا ومبى وبلىسىنىڭ بيزنەس دەلەگاتسياسى كەلدى

24 رەت كورسەتىلدى

رف ومبى وبلىسى ەكونوميكا ءمينيسترىنىڭ ورىنباسارى كونستانتين چۋلوۆسكي باستاعان دەلەگاتسيا نۇر-سۇلتانعا كەلدى. ىسكەرلىك ساپار بارىسىندا اۋىل شارۋاشىلىعى، ماشينا جاساۋ، ءبىلىم بەرۋ سەكىلدى كەڭ اۋقىمدى سالالارداعى ىنتىماقتاستىق پەرسپەكتيۆالارى تالقىلاندى، دەپ حابارلايدى Egemen.kz.

شارانى قازاقستاننىڭ رەسەيدەگى ەلشىلىگى مەن «KAZAKH INVEST» ۇك» اق قولداۋىمەن «اتامەكەن» ۇلتتىق كاسىپكەرلەر پالاتاسىنىڭ سىرتقى ساۋدا پالاتاسى ۇيىمداستىردى.

ساپار اياسىندا قوس تاراپتىڭ 60-قا جۋىق كومپانيالارى قاتىسقان «كاسىپكەرلەردىڭ بايلانىس بيرجاسى» ءوتىپ، نۇر-سۇلتان قالاسى اكىمدىگىنىڭ وكىلدەرىمەن ەكىجاقتى كەزدەسۋلەر ۇيىمداستىرىلدى.

دەلەگاتسيا اتاپ وتكەندەي، قازاقستاندا قولايلى ينۆەستيتسيالىق احۋال مەن بيزنەستى دامىتۋعا جاعداي جاسالعان. رف ومبى دەلەگاتسياسىنا ينۆەستيتسيانى قولداۋ سالاسىنداعى جاڭا مەملەكەتتىك شارالار، قازاقستان رەسپۋبليكاسىنىڭ ارنايى ەكونوميكالىق جانە يندۋستريالىق ايماقتارىنىڭ مۇمكىندىكتەرى، سونداي-اق ەلدىڭ باسىم سالالارداعى پوتەنتسيالى تانىستىرىلدى.

ءىس-شارانى اشقان كونستانتين چۋلوۆسكي قازاقستاننىڭ ەكونوميكالىق ءوسۋ قارقىنىن، جوعارى ينۆەستيتسيالىق تارتىمدىلىعىن وڭ باعالاپ، رەسەيلىك بيزنەس تاراپىنان قىزىعۋشىلىقتىڭ ارتىپ كەلە جاتقانىن اتاپ ءوتتى. ول رف ومبى وبلىسى مەن قازاقستان اراسىنداعى تاۋار اينالىمى 380 ملن دوللاردان اسقانىن ايتىپ – ءبىزدىڭ ەل ومبى ءوڭىرى ءۇشىن ءنومىرى ءبىرىنشى سەرىكتەس ەكەنىن العا تارتتى.

«KAZAKH INVEST» ۇك» اق وكىلى التىناي مۇقانوۆا قازاقستانداعى بيزنەس-كليمات، سونداي-اق ونىڭ ينۆەستيتسيالىق مۇمكىندىكتەرى تۋرالى ەگجەي-تەگجەيلى ايتىپ بەردى. ول سونداي-اق ءوز سوزىندە ءىس-شاراعا قاتىسۋشىلاردى قازاقستاننىڭ ەكونوميكالىق دامۋىنداعى جەتىستىكتەرىمەن، قازاقستان-رەسەي ساۋدا-ەكونوميكالىق ىنتىماقتاستىعىنىڭ پەرسپەكتيۆالىق باعىتتارىمەن، سونداي-اق قازاقستان ۇكىمەتىنىڭ ەلدەگى ينۆەستيتسيالىق كليماتتى ودان ءارى جەتىلدىرۋ بويىنشا قابىلداپ جاتقان شارالارىمەن تانىستىردى.

ءوز تاراپىنان رف ومبى كومپانيالارىنىڭ وكىلدەرى جينالعانداردى وزدەرىنىڭ قىزمەت اياسىمەن تانىستىرىپ، قازاقستان-رەسەي ينۆەستيتسيالىق ىنتىماقتاستىعىن ودان ءارى دامىتۋعا قاتىستى كوزقاراسىن ۇسىنىپ، جاڭا بىرلەسكەن جوبالاردى جۇزەگە اسىرۋعا قىزىعۋشىلىق تانىتتى.

رف ومبى دەلەگاتسياسىنىڭ نۇر-سۇلتانعا ساپارى اياسىندا «ومبى اگرارلىق عىلىمي ورتالىعى» مەن «ۇلتتىق اگرارلىق عىلىمي-ءبىلىم بەرۋ ورتالىعى» كەاق اراسىندا كەلىسسوزدەر جۇرگىزىلدى. قوناقتار ا.ي.باراەۆ اتىنداعى استىق شارۋاشىلىعى عىلىمي-وندىرىستىك ورتالىعىندا بولىپ، ولار ءداندى، بۇرشاق، كوپجىلدىق شوپتەر مەن كارتوپ ءوسىرۋ جانە تۇقىم شارۋاشىلىعى تاجىريبەسىمەن، سونداي-اق، ەكولوگيالىق تازا ادىستەر مەن ەنەرگيا ۇنەمدەيتىن تەحنيكالىق قۇرالدار نەگىزىندە استىق، بۇرشاق جانە مال ازىقتىق داقىلداردىڭ اگروتەحنولوگيالارىن جەتىلدىرۋمەن تانىستى.

رف ومبى دەلەگاتسياسىنىڭ «Astana Invest» باسشىلىعىمەن كەزدەسۋى بارىسىندا رەسەيلىك كومپانيالارمەن، اتاپ ايتقاندا «ومبى ەلەكترومەحانيكالىق زاۋىتى» اق جانە «BIORESURS» جشق، بىرلەسكەن كاسىپورىندار قۇرۋعا مۇددەلى قازاقستاندىق كومپانيالاردىڭ ءتىزىمىن دايىنداۋ تۋرالى كەلىسىمگە قول جەتكىزىلدى.

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار