قوعام • 20 مامىر، 2022

«سارىارقا» گاز قۇبىرىنىڭ قۋاتى ەكى قالاعا عانا جەتەدى

12 رەت كورسەتىلدى

ەنەرگەتيكا ءمينيسترى بولات اقشولاقوۆ باق وكىلدەرىنە ەلدىڭ سولتۇستىگى مەن شىعىسىنداعى وڭىرلەردى گازداندىرۋ مۇمكىندىكتەرى تۋرالى مالىمەت بەردى، دەپ حابارلايدى Egemen.kz.

«سولتۇستىك جانە شىعىس وڭىرلەرگە گاز تارتۋ ماسەلەسى بويىنشا مامىر ايىنىڭ اياعىندا، كەلەسى اپتادا ىسساپارعا ۇشامىن. سول جاقتا رەسەي فەدەراتسياسىنان گاز تاسىمالداۋدىڭ تەحنيكالىق، ەكونوميكالىق ماسەلەلەرى، باعاسى بويىنشا اڭگىمە جۇرگىزەمىن. بۇل – وتە كەشەندى ماسەلە. وسىمەن قاتار، ءوز ىشىمىزدەگى گاز قۇبىرلارىن سولتۇستىك جانە شىعىس باعىتتاردا دامىتۋ كەرەك. بىراق قازىرگى «سارىارقا» گاز قۇبىرى قاراعاندى جانە قايتادان قۇرىلىپ جاتقان ۇلىتاۋ وبلىستارى ارقىلى نۇر-سۇلتانعا جەتەدى. ودان ءارى كەلەسى كەزەڭدە اقمولا وبلىسى – كوكشەتاۋ قالاسى مەن پەتروپاۆلعا دەيىن تارتىلادى. وسىنداي جەلى بار»، دەدى ۆەدومستۆو باسشىسى.

ونىڭ ايتۋىنشا، بۇل قۇبىردان شىعىس باعىتقا پاۆلودار ارقىلى تارماق شىعارۋعا بولادى.

«پاۆلوداردان ءارى قاراي سەمەي دەپ كەتە بەرەدى. الايدا بۇل – جوبا عانا. ءوزىمىزدى تابيعي گازدىڭ كوزدەرىنەن قامتاماسىز ەتۋ ءۇشىن باتىس وڭىرلەردەن قوسىمشا ءارى تۇراقتى گاز قورىن تابۋىمىز كەرەك. مۇنداي گاز قورى تابىلعان كۇننىڭ وزىندە جاڭا قۇبىر تارتۋ قاجەت. ويتكەنى قازىر قولدانىپ وتىرعان «سارىارقا» گاز قۇبىرى ونىڭ ءبارىن كوتەرە المايدى. قاراعاندى وبلىسى مەن نۇر-سۇلتان قالاسىنىڭ قاجەتتىلىگىن عانا جابۋعا قاۋقارلى. سوندا ءبارىبىر جاڭا قۇبىر سالۋ كەرەك بولادى. بارىنەن دە رەسەيدەن گاز الا تۇرىپ، ءوز ىشىمىزدەگى قۇبىرلاردى قاتار دامىتۋ جەڭىل بولاتىن شىعار. ونىڭ وزىندە، ءوزىمىزدىڭ گاز رەسەيدىكىنەن ارزان بولادى دەگەن ناقتى دەرەك جوق. ويتكەنى باتىس قازاقستاننان پەتروپاۆلعا دەيىنگى ارالىق 2000 شاقىرىمنان اسادى. ال، رەسەيدەن بەرى تارتساق، 500-600 شاقىرىم. قاشىقتىڭ ايىرماشىلىعى وراسان. گاز قۇبىرىنىڭ شىعىنى تىكەلەي سوعان بايلانىستى»، دەدى بولات اقشولاقوۆ.

ايانا توعانبەك

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار