ەرلان قاريننىڭ ايتۋىنشا, وقيعالار مەن قۇبىلىستارعا ساپالى ساراپتاما جاساۋ ءۇشىن ونىڭ سان الۋان سەبەبىن ەسكەرە وتىرىپ, جان-جاقتى زەرتتەۋ كەرەك. سونىمەن قاتار ساراپشىلاردىڭ تالقىلاۋلارى مەن پىكىر الماسۋلارىن ۇيىمداستىرعان ءجون.
مەملەكەتتىك حاتشى جاڭا قازاقستان تۋرالى پىكىرتالاستى الەمدىك ساياسي جانە ەكونوميكالىق دامۋدىڭ نەگىزگى ۇردىستەردى ەسكەرە جاساۋ قاجەت ەكەنىن ايتتى.
پرەزيدەنتتىڭ ەلىمىزدى ساياسي جاڭعىرتۋ تۇرعىسىنداعى باستامالارى جايىندا ءسوز قوزعاپ, كونستيتۋتسيالىق رەفورما مەن الداعى رەفەرەندۋمنىڭ ءمانى مەن ماڭىزىنا ەرەكشە توقتالدى.
مەملەكەتتىك حاتشىنىڭ پىكىرىنشە, كونستيتۋتسيالىق رەفورمالاردىڭ ناتيجەسىندە سۋپەرپرەزيدەنتتىك باسقارۋ ۇلگىسىنەن پرەزيدەنتتىك رەسپۋبليكاعا كوشۋگە, بىرقاتار بيلىك وكىلەتتىلىكتەرىن قايتا بولۋگە, پارلامەنتتىڭ ءرولى مەن مارتەبەسىن كۇشەيتۋگە, ەلدى باسقارۋ ىسىنە حالىقتىڭ ارالاسۋىن ارتتىرۋعا, ازاماتتاردىڭ اتا زاڭمەن بەلگىلەنگەن قۇقىقتارىنىڭ مەحانيزمىن جەتىلدىرۋگە قول جەتكىزەمىز.
باسقوسۋعا بەلگىلى ساراپشىلار, ساياساتتانۋشىلار, الەۋمەتتانۋشىلار, تاريحشىلار مەن گۋمانيتارلىق سالانىڭ وزگە دە وكىلدەرى قاتىستى.
