ءبىلىم • 20 مامىر، 2022

قازاقستان اريزونا ۋنيۆەرسيتەتىمەن بىرلەسىپ مامان دايارلايدى

37 رەت كورسەتىلدى

پرەمەر-ءمينيستردىڭ ورىنباسارى ەرالى توعجانوۆ سەناتتاعى جاستاردى قولداۋ تاقىرىبىنا ارنالعان پارلامەنتتىك تىڭداۋدا 2025 جىلعا قاراي كەزەڭ-كەزەڭىمەن جاستارعا تەحنيكالىق جانە كاسىپتىك ءبىلىم بەرۋ تولىعىمەن تەگىن بولاتىنىن حابارلادى، دەپ جازادى Egemen.kz.

«ەلىمىزدە 490 مىڭعا جۋىق جاس كوللەدجدەردە ءبىلىم الۋدا. بۇگىندە ولاردىڭ 40%-دان استامى اقىلى نەگىزدە وقىپ جاتىر. 2025 جىلعا قاراي كەزەڭ-كەزەڭىمەن جاستارعا تەحنيكالىق جانە كاسىپتىك ءبىلىم بەرۋ تولىعىمەن تەگىن بولادى. بيىلدىڭ وزىندە وسى ماقساتتا 45 مىڭ قوسىمشا گرانت ءبولىندى. كوللەدجدەردەگى ءبىلىم بەرۋدى ەڭبەك نارىعىنا بەيىمدەۋ ءۇشىن اكادەميالىق ەركىندىك ەنگىزىلدى. وقۋ باعدارلامالارى تولىعىمەن جاڭارتىلدى»، دەدى ەرالى توعجانوۆ جيىن بارىسىندا.

ول سونداي-اق ەل اۋمىعىندا اشىلىپ جاتقان شەتەل وقۋ ورىندارىنىڭ فيليالدارى تۋرالى ايتتى.

«جوعارى وقۋ ساپاسى سەناتورلار تاراپىنان وتكىر كوتەرىلىپ جۇرگەن سۇراقتاردىڭ ءبىرى. بۇل سالادا باسەكەگە قابىلەتتىلىكتى ارتتىرۋ ءۇشىن الەمدىك ۇزدىك ۋنيۆەرسيتەتتەر فيليالدارىن ەلىمىزدە اشۋ قولعا الىندى. بىلتىر الماتى قالاسىندا بريتاندىق دە-مونفورت ۋنيۆەرسيتەتىنىڭ فيليالى قۇرىلدى. جاڭا وقۋ جىلىنان باستاپ م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە اريزونا ۋنيۆەرسيتەتىمەن بىرلەسىپ مامان دايىنداۋ جوباسى ىسكە قوسىلادى. بۇل جاستارعا شەتەلگە شىقپاستان، الەمدىك رەيتينگتە الدىڭعى قاتاردا تۇرعان ۋنيۆەرسيتەتتەردە ءبىلىم الۋعا، اتا-انالارعا شىعىندارىن ايتارلىقتاي ۇنەمدەۋگە مۇمكىندىك بەرەدى»، دەدى ۇكىمەت باسشىسىنىڭ ورىنباسارى.

سوڭعى جاڭالىقتار

دوللار باعامى ءوستى

قارجى • بۇگىن، 16:12

ۇقساس جاڭالىقتار