پارلامەنت • 20 مامىر، 2022

جاستاردىڭ 40 پايىزدان استامى ماماندىق بويىنشا جۇمىس ىستەمەيدى

30 رەت كورسەتىلدى

پارلامەنت سەناتىنىڭ توراعاسى ماۋلەن اشىمباەۆ جاستار اراسىنداعى جۇمىسسىزدىق ماسەلەسىن كوتەردى، دەپ حابارلايدى Egemen.kz.

ماۋلەن اشىمباەۆ مالىمدەگەندەي، جاستاردىڭ تاعى ءبىر باستى ماسەلەسى - جۇمىسسىزدىق. جاستار اراسىنداعى جۇمىسسىزدىقتىڭ رەسمي دەڭگەيى سالىستىرمالى تۇردە تومەن، بىراق تاۋەلسىز ۇيىمداردىڭ بالاما زەرتتەۋلەرى باسقا مالىمەتتەردى كورسەتەدى.

«تاۋەلسىز ۇيىمداردىڭ ساۋالنامالارىنا سايكەس، 25-29 جاس ارالىعىنداعى توپتا رەسپوندەنتتەردىڭ شامامەن 12 پايىزى ءالى تۇراقتى جۇمىس ىستەمەگەن. جوعارى ءبىلىم تۋرالى ديپلومى بار قازاقستاندىق جاستاردىڭ 40 پايىزدان استامى ماماندىعى بويىنشا جۇمىس ىستەمەيدى. وسىعان بايلانىستى جۇمىس ورىندارىن قۇرۋعا جانە جاستار پراكتيكاسىنا باعىتتالاتىن بيۋدجەت قاراجاتىن پايدالانۋدىڭ تيىمدىلىگىنە قاتىستى ماسەلەلەر تۋىندايدى»، دەدى ماۋلەن اشىمباەۆ «جاڭا قازاقستان: جاستار جانە جاڭعىرۋ» تاقىرىبىنداعى پارلامەنتتىك تىڭداۋدا.

سەنات توراعاسى سونداي-اق جاستار كاسىپكەرلىگىن قولداۋ جونىندە ناقتى ءارى پارمەندى ساياسات جوق ەكەنىن مالىمدەدى.

«جاستار ءوز بيزنەسىن اشۋدان باس تارتۋدىڭ سەبەبى 32% - دىق باستاپقى كاپيتالدىڭ جوقتىعى جانە 18% - دىق وزىندىك بيزنەستى قۇرۋ ءۇشىن ءبىلىمنىڭ جەتىسپەيتىندىگى. وسىعان بايلانىستى كاسىپكەرلىكتى قولداۋ باعدارلامالارىنىڭ تيىمدىلىگىنە قاتىستى سۇراقتار تۋىندايدى»، دەپ تولىقتىردى سەنات توراعاسى.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار