ايماقتار • 20 مامىر، 2022

سانيتارلىق تالاپتاردى ساقتاماعان مەديتسينالىق مەكەمەلەرگە ايىپپۇل سالىندى

18 رەت كورسەتىلدى

تۇركىستان وبلىسىندا 660 مەديتسينالىق نىسان تەكسەرىلىپ، سانيتارلىق تالاپتاردى ساقتاماعان مەديتسينالىق مەكەمەلەرگە ايىپپۇل سالىندى، دەپ حابارلايدى Egemen.kz.

سانيتاريالىق-ەپيدەميولوگيالىق باقىلاۋ قىزمەتى جىل باسىنان بەرى وڭىردەگى 660 مەديتسينالىق نىساندى تەكسەردى. ناتيجەسىندە، كەيبىر اۋرۋحانالاردىڭ جۇمىستى ۇيلەستىرۋ ءىس-شارالارىنا بايلانىستى كەمشىلىكتەر انىقتالعان. اتاپ ايتار بولساق، ىستىق سۋدىڭ بولماۋى، جەلدەتكىشتىڭ ورناتىلماعاندىعى، مەديتسينالىق قالدىقتاردى جيناۋعا جانە ساقتاۋعا قويىلاتىن تالاپتاردىڭ ساقتالماۋى سىندى بىرقاتار كەمشىلىككە جول بەرىلگەن. تەكسەرۋ قورىتىندىسىمەن 623 جەكە جانە زاڭدى تۇلعا 32 487 313 تەڭگە سوماسىندا ايىپپۇل تولەيتىن بولدى.

سونداي-اق كەمشىلىكتەردى جويۋ بويىنشا 20 سانيتارلىق ۇيعارىم بەرىلىپ، 7 ماتەريال سوتقا ءوتتى.

«تۇركىستان وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتى حالىقتىڭ سانيتاريالىق سالاماتتىلىعىن ساقتاۋ ماقساتىندا مەديتسينالىق مەكەمەلەردىڭ باسشىلارىنا، جاۋاپتى وكىلدەرىنە قر دسم دەنساۋلىق ساقتاۋ وبەكتىلەرىنە قويىلاتىن سانيتاريالىق-ەپيدەميولوگيالىق تالاپتار مەن قاعيدالاردى ساقتاۋعا جانە نورماتيۆتىك قۇقىقتىق اكتىلەر بويىنشا جۇمىس جاساۋعا شاقىرادى»، دەيدى تۇركىستان وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ ءباسپاسوز حاتشىسى ارداق بەردەن.

ايتا كەتەيىك، تۇركىستان وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ باقىلاۋىندا مەنشىك نىسانىنا قاراماستان 1 752 مەديتسينالىق ۇيىم بار. ونىڭ 123 ستوماتولوگيالىق كلينيكالار مەن كابينەتتەر.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار