ونەر • 18 مامىر، 2022

تالانت رۋحىنا تاعزىم

39 رەت كورسەتىلدى

قىزىلوردادا ءانشى-كومپوزيتور باتىرحان شوكەنوۆتىڭ 60 جىلدىعىنا ارنالعان «وتان-انا» اتتى رەسپۋبليكالىق انشىلەر كونكۋرسى ءوتتى. العاش ۇلكەن ساحناعا «اراي» توبىنىڭ قۇرامىندا شىعىپ، ءوزى ايتقان «اق كوگەرشىن» انىندەگى قالىقتاعان قۇستاي ونەر كوگىنە ەركىن كوتەرىلگەن ءانشى شەتەل تىڭدارماندارىن دا ءتانتى ەتكەن ەدى. ول شىققاندا ساحنا تۇرلەنىپ سالا بەرەتىن. كەز كەلگەن ءانى حيتكە اينالىپ، تەز جاتتالاتىن. عۇمىر كەسەسى ەرتە تولعان تالانت بيىل 60 جاسقا تولار ەدى.

سىربويىلىقتار حالقىنىڭ قۇرمەتىنە بولەنگەن ۇلدارىنىڭ ءىزىن وشىرمەۋ ءۇشىن قولدان كەلگەننىڭ ءبارىن جاساپ وتىر. قازىر قالا ورتالىعىنداعى ساياباقتىڭ ءبىرى باتىر­حان ەسىمىن يەلەنگەن. جۇرت اياعى ۇزىلمەيتىن ساياباققا كەلگەن ادامدى ساكسوفونىن ايالاي ۇستاعان ءانشىنىڭ ءمۇسىنى قارسى الادى. تۋعان كۇنى – 18 مامىرعا ورايلاستىرا ۇيىمداستىرىلاتىن «وتان-انا» رەسپۋب­ليكالىق انشىلەر كونكۋرسى بارشا ونەر­سۇيەر قاۋىمدى وسىمەن ءۇشىنشى مارتە سىر تورىنە جيناپ وتىر.

كونكۋرستىڭ اشىلۋىندا وبلىس اكىمى نۇرلىبەك نالىباەۆ سويلەپ، باتىرحان شوكە­نوۆ حالىقتىڭ ماحابباتىنا بولەنگەن ونەر يەسى بولعانىن اتاپ ءوتتى.

– بۇگىنگى «وتان-انا» رەسپۋبليكالىق انشىلەر كونكۋرسى كوكتەمدە تۋعان جەرىنە ساعىنىشپەن كەلگەن جىل قۇسىنداي بارشا ونەرسۇيەر قاۋىمدى ادەمى اسەرگە بولەپ وتىر. تالانتقا كورسەتىلەر قۇرمەت ونىڭ مەرەيتويى اياسىندا شەكتەلىپ قالمايدى. الداعى ۋاقىتتا ب.شوكەنوۆ شىعارمالارىن ورىنداۋشىلار كونكۋرسى، دجاز ايتۋشىلار جانە ساكسوفونشىلار سايىسى سەكىلدى ءتۇرلى مادەني ءىس-شارالارمەن تولىعاتىن بولادى.

سىر بويىنىڭ تالانتتى ۇلى، ونەر تارلانى باتىرحان شوكەنوۆتىڭ ەسىمى حالقىنىڭ جۇرەگىندە ماڭگى ساقتالادى، – دەدى وبلىس باسشىسى.

سالتاناتتى جيىندا وبلىس اكىمى سىر حالقى اتىنان باتىرحان شوكەنوۆتەي دارىندى ۇلدى ومىرگە اكەلگەن اناسى ديلارا يبراگيمقىزىنا قۇرمەت ءبىلدىرىپ، يىعىنا زەرلى قامزول جاپتى.

«وتان – انا» اتتى رەسپۋبليكالىق ان­شىلەر كونكۋرسىنا ءار وڭىردەن كەلگەن 20 جاس ونەرپاز قاتىستى. بايقاۋدىڭ ءبىرىنشى كە­زەڭىندە كونكۋرسانتتار Saz & soul بەندىنىڭ سۇيەمەلدەۋىمەن باتىرحان شوكە­نوۆتىڭ رەپەرتۋارىنان ءان ورىندادى.

قازىلار القاسىنىڭ قۇرامىندا كومپوزيتور، مۋزىكانت، ورانجيروۆشيك، حالىق­ارالىق كونكۋرستاردىڭ لاۋرەاتى، قازىلار القاسىنىڭ توراعاسى رينات گايسين، ءانشى-كومپوزيتور، «قۇرمەت» وردەنىنىڭ يەگە­رى، مادەنيەت سالاسىنىڭ ۇزدىگى قايرات باە­كەنوۆ، ءانشى، قازاقستاننىڭ ەڭبەك سىڭىر­گەن قايراتكەرى ءمادينا سادۋاقاسوۆا، ءانشى دينارا كايروۆا جانە كومپوزيتور، مادەنيەت سالاسىنىڭ ۇزدىگى ءسابيت ۇلىقپان ۇلى بولدى.

ء تۇس اۋا ەكىنشى كەزەڭى جالعاسقان كونكۋرس قورىتىندىسىندا قازىلار القاسىنىڭ بايلامىمەن باس جۇلدەنى قىزىلوردالىق اقبوتا قۇسنادين جەڭىپ الدى. ءبىرىنشى ورىن الماتى قالاسىنان كەلگەن الماگۇل باتتاليەۆاعا تابىستالسا، ەكىنشى ورىن جۇل­دەسىن نۇر-سۇلتاندىق ايدىن جۇماباەۆ يەلەن­دى. قاراعاندىلىق ونەرپاز جاناسىل ەلۋباەۆ، الماتىلىق ازامات بەكبەرگەنوۆ، قوستانايدان كەلگەن ايدانا ريزا مەن جەرگىلىكتى ءانشى اياگوز ارالبايقىزى ءۇشىنشى ورىن بيىگىنەن كورىندى.

وسى كۇنى ءۇشىنشى مارتە ۇيىمداستىرىلىپ وتىرعان «وتان-انا» اتتى رەسپۋبليكالىق انشىلەر كونكۋرسىنا قاتىسۋشىلار ورتالىق الاڭدا گالا-كونتسەرت قويدى. ال ءانشى جارىق دۇنيەگە كەلگەن 18 مامىر كۇنى قالا ورتالىعىنداعى باتىرحان شوكەنوۆ سايابا­عىنا بارىپ، ەسكەرتكىشىنە گۇل شوعىن قويدى.

تالانت رۋحىنا جاسالعان تاعزىم جارق ەتىپ وتكەن جۇلدىزدىڭ ءان-عۇمىرى ەلى باردا ەشقاشان ۇزىلمەيتىنىن كورسەتتى.

 

قىزىلوردا

سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار