ەلوردا • 18 مامىر، 2022

ەلوردادا ىسكەر ايەلدەر قاۋىمداستىعى دوڭگەلەك ۇستەل وتكىزدى

24 رەت كورسەتىلدى

نۇر-سۇلتان قالاسىنىڭ ىسكەر ايەلدەر قاۋىمداستىعى دوڭگەلەك ۇستەل وتكىزدى، وندا شاقىرىلعان ساراپشىلار رەفەرەندۋمدا كونستيتۋتسياعا ەنگىزىلەتىن تۇزەتۋلەردى ءتۇسىندىردى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

ء«بىز بۇگىنگى قوعامداعى ۇلكەن وزگەرىستەردىڭ كۋاگەرى، قاتىسۋشىسى بولىپ سانالامىز. 1995 جىلدان باستاپ العاش رەت بۇكىلحالىقتىق تالقىلاۋعا ەلىمىزدىڭ باستى زاڭىنا وزگەرىستەر ەنگىزۋ ماسەلەسى شىعارىلادى. بۇل وزگەرىستەردىڭ ءمانى نەدە ەكەنىن، ولاردىڭ بىزگە – قازاقستاندىقتارعا نە بەرەتىنىن ءبىلۋ ءۇشىن ءبىز وسى دوڭگەلەك ۇستەلدى ۇيىمداستىردىق.

قىز-كەلىنشەكتەر وتە بەلسەندى. ولار دا ءوز ويىن ايتىپ، مەملەكەتتىك ماڭىزى بار ىستەرگە ۇلەس قوسا الادى. رەفەرەندۋم ءاربىر ىسكەر ايەل ءۇشىن اسا ماڭىزدى. ماسەلەن قالا بويىنشا 160، ال ەل اۋماعىندا 2 مىڭ كاسىپكەر ايەل بار»، دەدى نۇر-سۇلتان ىسكەر ايەلدەر قاۋىمداستىعىنىڭ ءتورايىمى ءسانيا ىرساليەۆا.

ونىڭ ايتۋىنشا، قاۋىمداستىق مۇشەلەرى تالقىلاۋعا بەلسەندى قاتىسىپ، سۇراقتار قويىپ، ۇسىنىستارىن ايتتى.

«سپيكەرلەردىڭ سوزىنەن كەيىن كەلگەن جۇرتتىڭ سۇراقتارىن قويىپ، ۇسىنىستار ايتقانى قۋانتادى. ولار رەفەرەندۋمعا ەنگىزىلگەن تۇزەتۋلەرگە كەلىسىمىن ءبىلدىردى»، دەپ قوستى ول.

«قازاقستان ازاماتتارى ازاماتتىق بەلسەندىلىك تانىتىپ، ءار تارماعىنا ارالاسۋىنا، تولىق قۇقىعىن پايدالانۋعا بەت السا دەيمىن»، دەدى قالالىق ءماسليحات دەپۋتاتى نازگۇل ماقجان.

ەستەرىڭىزگە سالا كەتەيىك، 5 ماۋسىمدا قازاقستاندا كونستيتۋتسياعا ەنگىزىلەتىن تۇزەتۋلەر بويىنشا رەسپۋبليكالىق رەفەرەندۋم وتەدى.

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار