قوعام • 20 مامىر، 2022

Nickelodeon مۋلتفيلمدەرى قازاق تىلىندە كورسەتىلە باستادى

68 رەت كورسەتىلدى

بۇگىن پرەزيدەنت جانىنداعى ورتالىق كوممۋنيكاتسيالار قىزمەتىندە قازاق تىلىندە كورسەتىلە باستاعان  NICKELODEON HD جاڭا ارناسى تانىستىرىلدى، دەپ حابارلايدى Egemen.kz.

مەملەكەت باسشىسى جاريالاعان بيىلعى بالالار جىلى اياسىندا  قازاقستاندىقتار «Nickelodeon» تەلەارناسىنىڭ  مۋلتفيلمدەرىن مەملەكەتتىك تىلدە تاماشالاي الادى.

قر اقدم باستاماسىمەن 2021 جىلى تانىمال بالالار ارنالارىن قازاق تىلىنە اۋدارۋ جوباسى -  وسكەلەڭ ۇرپاقتىڭ دامۋىنا ەلەۋلى ۇلەس قوسادى.

بريفينگتە اقپارات جانە قوعامدىق دامۋ ۆيتسە-ءمينيسترى دانيار قادىروۆ ءسوز الىپ،  «مينيسترلىك وتە اۋقىمدى جوبانى ىسكە اسىرۋدا. قازاق تىلىندەگى جاڭا ارنانىڭ ىسكە قوسىلۋى بالالاردىڭ مەملەكەتتىك تىلگە دەگەن قىزىعۋشىلىعىن ارتتىرۋعا سەپتىگىن تيگىزەدى. سونداي-اق بۇل جوبانىڭ وسكەلەڭ ۇرپاق ءۇشىن تاربيەلىك ءمانى زور»، دەپ اتاپ ءوتتى.

سونىمەن قاتار «Nickelodeon» تەلەارناسىنىڭ تمد جانە بالتىق ەلدەرىندەگى بالالار مەن ويىن-ساۋىق برەندتەرىن دامىتۋ جونىندەگى ۆيتسە-پرەزيدەنتى-ماريا كوسارەۆا «Nickelodeon» كورەرمەندەرى ارنانىڭ قىزىقتى باعدارلامالىق بلوكتارىنىڭ ارقاسىندا ەموتسيالىق ينتەللەكتتى دامىتاتىنىن اتاپ ءوتتى. بۇل ءوز كەزەگىندە بالالاردىڭ، سونىڭ ىشىندە ءتۇرلى ەتنوستاردىڭ مەملەكەتتىك ءتىلدى جىلدام مەڭگەرۋىنە مۇمكىندىك بەرەدى.

ء«بىز ارىپتەستەرىمىزگە حابار تاراتۋدى ىسكە قوسۋدا  قولداۋ بىلدىرگەندەرى ءۇشىن العىسىمىزدى بىلدىرەمىز جانە ابونەنتتەردى اقپاراتتاندىرۋ اياسىندا ودان ءارى جەمىستى ىنتىماقتاستىققا ۇمىتتەنەمىز»، دەدى ماريا كوسارەۆا.

ەستەرىڭىزگە سالا كەتەيىك، ارنالاردى تاڭداۋ كەزىندە الەۋمەتتىك ساۋالنامالاردىڭ ناتيجەلەرى جانە بالالار اراسىندا تاراتىلاتىن مۋلتفيلمدەردىڭ تانىمالدىعى ەسكەرىلدى.

ماسەلەن، «Nickelodeon» برەندتەرى الەمنىڭ 180-گە جۋىق ەلىندە جيناقتالعان، ولاردىڭ كەيىپكەرلەرى 40-تان استام ءتۇرلى تىلدە سويلەيدى.

ارنانىڭ باعدارلامالىق بلوكتارى انيماتسيالىق فيلمدەر مەن تەلەحيكايالاردان، ويىن-ساۋىق، سپورتتىق جانە مۋزىكالىق باعدارلامالاردان تۇرادى.

قازىرگى ۋاقىتتا «Nickelodeon HD» جاڭا ارناسى الما تۆ جانە TV Commerce كابەلدىك وپەراتورلارى ارقىلى ەفيرگە شىعادى، قالعان وپەراتورلارمەن ءوزارا تىعىز جۇمىس جالعاسۋدا.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار