باعدارلاما بويىنشا وتىنىمدەر مەن قۇجاتتار 1 ماۋسىمعا دەيىن almaty-zhastary.kz ۆەب-سايتى ارقىلى قابىلدانادى.
سايتتا وتىنىشتەر مەن قۇجاتتاردى قابىلداۋ ەلەكتروندى تسيفرلى قولتاڭبا ارقىلى جۇزەگە اسادى. اۆتوماتتى بالل قويۋ ءۇشىن ەلەكتروندى كالكۋلياتور ەنگىزىلگەن. جەكە كابينەت ارقىلى ءوتىنىشتىڭ بارىسىمەن تانىسۋعا بولادى. قۇجاتتاردى قابىلداۋ 1 ماۋسىمدا ساعات 23:59-دا اياقتالىپ, 20 جۇمىس كۇنى ىشىندە باعدارلاما تالاپتارىنا سايكەستىگى تەكسەرىلەدى. ودان كەيىن ءاربىر سانات بويىنشا جينالعان ەڭ جوعارى ۇپاي سانىنا سايكەس ءتىزىم جاسالادى.
باعدارلامانىڭ بيۋدجەتىنە 18 ملرد تەڭگە قاراستىرىلىپ وتىر. ال نەسيەنىڭ ەڭ جوعارى سوماسى – 18 ملن تەڭگەگە دەيىن. سىياقى مولشەرلەمەسى – 5, باستاپقى جارناسى – 10 پايىز. قاتىسۋشىنىڭ جاڭا سالىنعان نەمەسە قولدانىستاعى تۇرعىن ءۇي نارىعىنان 45 كۇنتىزبەلىك كۇن ىشىندە ءۇي تاڭداۋ مۇمكىندىگى بار.
باعدارلاماعا قامتىلاتىندار سانى 1 مىڭعا جۋىق. تاڭدالعان تۇرعىن ءۇيدىڭ قۇجاتتارى تۇرعىن ءۇي قارىزىن بەرۋ مۇمكىندىگىن قاراۋ ءۇشىن «وتباسى بانك» اق-نا ۇسىنىلادى. «وتباسى بانك» اق ماقۇلداۋىن العاننان كەيىن ساتىپ الۋ-ساتۋ شارتىن جانە كەپىل شارتىن راسىمدەۋ جانە تىركەۋدى جۇزەگە اسىرادى.
ءوتىنىش بەرە الاتىن ازاماتتار ساناتىنا الماتىداعى مەملەكەتتىك قالالىق جانە رەسپۋبليكالىق مەكەمەدە ەڭبەك ەتەتىندەر, دارىگەرلەر مەن مەيىربيكەلەر, پەداگوگتەر مەن تاربيەشىلەر, ارتىستەر, جازۋشىلار, مادەنيەت سالاسىنىڭ ماماندارى, جاتتىقتىرۋشىلار مەن سپورتشىلار, جوو وقىتۋشىلار مەن عىلىمي قىزمەتكەرلەر, الەۋمەتتىك سالا ماماندارى: جۋرناليستەر مەن باق قىزمەتكەرلەرى (مەملەكەتتىك جانە كوممەرتسيالىق), وندىرىستىك سالادا ەڭبەك ەتەتىندەر كىرەدى.
