• 16 ءساۋىر, 2014

قىلمىستىق ءىس جۇرگىزۋ كودەكسى سەناتقا جول تارتتى

440 رەت

كورسەتىلدى

1 مين

وقۋ ءۇشىن

Egemen Qazaqstan

بۇگىن, 16 ءساۋىر كۇنى پارلامەنت ءماجىلىسىنىڭ كەزەكتى جالپى وتىرىسى بولىپ, وندا التى ماسەلە قارالدى. بۇل تۋرالى egemen.kz ءتىلشىسى حابارلادى. دەپۋتاتتار «رۇقساتتار جانە حابارلامالار تۋرالى» جانە وعان ىلەسپە كەيبىر زاڭنامالىق اكتىلەرگە رۇقسات بەرۋ جۇيەسى بويىنشا وزگەرىستەر مەن تولىقتىرۋلار ەنگىزۋ جونىندەگى زاڭ جوبالارىن ءبىرىنشى وقىلىمدا ماقۇلدادى. «حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسكە وزگەرىستەر مەن تولىقتىرۋلار ەنگىزۋ جونىندەگى» زاڭ جوباسى دا ءبىرىنشى وقىلىمدا قارالىپ, قىزۋ تالقىعا ءتۇستى. ال قىلمىستىق ءىس جۇرگىزۋ كودەكسىنىڭ جوباسى جانە وعان ىلەسپە كەيبىر زاڭنامالىق اكتىلەرگە قىلمىستىق ءىس جۇرگىزۋ زاڭناماسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ جونىندەگى زاڭ جوباسى ەكىنشى وقىلىمدا قارالدى. كۇن تارتىبىندەگى ماسەلەلەر قارالىپ بولعان سوڭ دەپۋتاتتاردىڭ ورتالىق اتقارۋ ورگاندارىنا جولداعان ساۋالدارى جاريالاندى. جاقسىباي سامرات. دەرەككوز: egemen.kz.