«كوپتەگەن ەلدەردىڭ تاجىريبەسى عىلىم مەن ءوندىرىس اراسىندا بايلانىس بولمايىنشا, سالانىڭ تيىمدىلىگىن ارتتىرۋ مۇمكىن ەمەس ەكەنىن كورسەتتى. اۋىل شارۋاشىلىعى, ءبىلىم مينيسترلىكتەرى مەن «اتامەكەن» پالاتاسى سالاعا يننوۆاتسيالاردى ەنگىزۋ جونىندەگى جول كارتاسىن دايىنداۋى قاجەت», دەدى ءاليحان سمايىلوۆ.
ۇكىمەت باسشىسىنىڭ ايتۋىنشا, فەرمەرلەر مەن ينۆەستورلار زاماناۋي تەحنولوگيالار مەن عىلىمي جاڭالىقتاردى ەنگىزۋگە قاراجات بولۋگە مۇددەلى بولۋى ءتيىس.
«جالپى مال شارۋاشىلىعىن دامىتۋ مەملەكەتتىك ورگانداردىڭ, فەرمەرلەردىڭ, بيزنەستىڭ, عىلىم مەن ۆەتەريناريانىڭ ورتاق پوزيتسياسى مەن بىرلەسكەن كۇش-جىگەرىنىڭ ارقاسىندا عانا ناتيجەلى بولماق», دەپ قوستى ول.
