الماتى قالاسى بويىنشا سىبايلاس جەمقورلىققا قارسى ءىس-قيمىل قىزمەتىنىڭ مالىمەتىنشە, اۋىل شارۋاشىلىعى مينيسترلىگىنىڭ «اۋىل شارۋاشىلىعى اەروفوتوگەودەزيالىق ىزدەنىستەر مەملەكەتتىك ينستيتۋتى» شجق رمك ديرەكتورى م. ەسىمدى ازاماتقا قاتىستى قىلمىستىق ءىس تەرگەلۋدە. ول اتالعان كاسىپورىندا ماينينگ فەرماسىن زاڭسىز ورناتقانى بەلگىلى بولدى.
«تەرگەۋ بارىسىندا ديرەكتور پايدا تابۋ ماقساتىندا مەملەكەتتىك مەكەمەنىڭ اكىمشىلىك عيماراتىنىڭ اۋماعىندا زاڭسىز كولەڭكەلى بيزنەستى ۇيىمداستىرعان. ول ءۇي-جايلاردا كريپتوۆاليۋتانى وندىرۋگە ارنالعان تسيفرلىق ماينينگتىك فەرمانى ورناتقان. بۇل رەتتە ماينينگتىك وپەراتسيالار ءۇشىن ەلەكتر ەنەرگياسىن تۇتىنۋ مەملەكەتتىڭ بيۋدجەت قاراجاتى ەسەبىنەن جۇزەگە اسىرىلدى. قازىرگى ۋاقىتتا سوتقا دەيىنگى تەرگەۋ جالعاسۋدا», دەلىنگەن ۆەدومستۆو حابارلاماسىندا.
