«اۋعانستانداعى جاعداي, سونداي-اق وسى ەلدىڭ اۋماعىنداعى قارۋلى توپتاردىڭ بەلسەندى ارەكەتى مەملەكەتتەرىمىزدىڭ قاۋىپسىزدىگى مەن تۇراقتىلىعىنا قاتەر ءتوندىرىپ وتىر. ۇقشۇ بارلىق ىقتيمال قاۋىپ-قاتەرلەردى ەسكەرىپ, ورتالىق ازيانىڭ وڭتۇستىك شەكارالارىنىڭ قاۋىپسىزدىگىن قامتاماسىز ەتۋگە كوبىرەك كوڭىل ءبولۋى كەرەك دەپ ەسەپتەيمىن», دەدى پرەزيدەنت.
قاسىم-جومارت توقاەۆ ۇقشۇ بىتىمگەرشىلىك كۇشتەرىنىڭ الەۋەتىن نىعايتۋ - ۇيىم قىزمەتىنىڭ تاعى ءبىر وزەكتى مىندەتى ەكەنىن ەسكە سالدى.
ء«بىزدىڭ ويىمىزشا, قازىردىڭ وزىندە ۇقشۇ-نى بۇۇ-نىڭ بىتىمگەرشىلىك قىزمەتىمەن بايلانىستىرۋ مىندەتىن كۇن تارتىبىنە قويۋ قاجەت. بۇل قادام ۇجىمدىق قاۋىپسىزدىك شارتى ۇيىمىنىڭ سۋبەكت رەتىندەگى قۇقىعىن نىعايتادى. سونداي-اق ۇيىمنىڭ بەيبىتشىلىكتى ساقتاۋ جونىندەگى حالىقارالىق بىتىمگەرشىلىك وپەراتسيالارعا قاتىسۋ تاجىريبەسىن قامتاماسىز ەتەدى», دەدى مەملەكەت باسشىسى.
كەزدەسۋ قورىتىندىسى بويىنشا ۇقشۇ-عا مۇشە مەملەكەتتەردىڭ باسشىلارى ۇجىمدىق قاۋىپسىزدىك كەڭەسىنىڭ مەرەيتويلىق مالىمدەمەسىن قابىلدادى.
