«ەلدە بولعالى جاتقان ساياسي-قوعامدىق وزگەرىستەرگە جاستاردىڭ بەلسەنە قاتىسۋى وتە ماڭىزدى. ويتكەنى ادىلەتتى قازاقستاننىڭ يگىلىگى ەڭ الدىمەن جاس ۇرپاق ءۇشىن قاجەت», دەيدى شتاب جەتەكشىسى ادىلەت بەرىكقاليەۆ.
رەفەرەندۋمدى قولداۋ بويىنشا وڭىرلىك جاستار شتابىنىڭ جەتەكشىسى ادىلەت بەرىكقاليەۆ, «ورال ستۋدەنتتەر اليانسى» كورپوراتيۆتىك قورىنىڭ ديرەكتورى تاسبولات سەرىكقاليەۆ, ورال قالالىق اقپاراتتىق-تالداۋ جانە جاستارمەن جۇمىس جونىندەگى رەسۋرستىق ورتالىعىنىڭ باسشىسى دۋلات جۇسىپقاليەۆ وڭىردە كونستيتۋتسيالىق تۇزەتۋلەردىڭ ماعىناسى مەن ەرەجەلەرىن ءتۇسىندىرۋ, بۇل وزگەرىستىڭ قازاقستاندى ودان ءارى دامىتۋعا قوساتىن ۇلەسى تۋرالى جاستار جانە بارلىق جوو جانە اوو ستۋدەنتتەرى اراسىندا بەلسەندى جۇمىس جۇرگىزىپ جاتقانىن ايتادى.
«جاڭا قازاقستاننىڭ قالىپتاسۋىنا پرەزيدەنت ۇسىنعان وڭ وزگەرىستەر مەن رەفورمالاردى ىسكە اسىرۋعا ۇلەس قوسۋ – ءبىزدىڭ ارقايسىمىزدىڭ نەگىزگى ازاماتتىق بورىشىمىز. سوندىقتان دا ءبىز مەملەكەت باسشىسىنىڭ كونستيتۋتسياعا ۇسىنىلاتىن تۇزەتۋلەردى رەفەرەندۋم شەڭبەرىندە بۇكىلحالىقتىق داۋىس بەرۋگە شىعارۋ تۋرالى شەشىمىن قولدايمىز. بۇل ازاماتتاردىڭ سەنىمىن اقتايتىن دۇرىس قادام. رەفەرەندۋمنىڭ ناتيجەلەرى حالىقتىڭ ەركى مەن ونىڭ ەل بولاشاعىن ءتۇسىنۋىنىڭ ايقىن دالەلى بولماق», دەيدى دۋلات جۇسىپقاليەۆ.
قازىر الەۋمەتتىك جەلىلەردە جاستار اراسىندا «جاڭا قازاقستان, جاڭارعان – مەن!» چەللەندجى باستالعان. ونىڭ ماقساتى – مەملەكەت باسشىسىنىڭ باستاماسىن قولداپ, جاڭا ادىلەتتى مەملەكەتتى قالىپتاستىرۋعا جاستاردى جۇمىلدىرۋ ەكەن. «ويتكەنى ءبىز, جاستار – قوعامنىڭ قوزعاۋشى كۇشىمىز!», دەيدى بەلسەندى جاستار.
