«تەاترىمىزدىڭ اكتەرى, جانى جايساڭ ساعات جىلگەلديەۆ اعامىز دۇنيەدەن وتتى… تەاتر ۇجىمى, ارىپتەستەرى مارقۇمنىڭ جۇبايى جىبەك لەباەۆا مەن وتباسى, تۋعان-تۋىستارىنىڭ قايعىسىنا ورتاقتاسىپ, كوڭىل ايتامىز. باقۇل بولىڭىز, اعا! ءسىزدىڭ جارقىن بەينەڭىزدى ارىپتەستەرىڭىز, ۇجىم, ءوزىڭىزدىڭ سۇيىكتى كورەرمەندەرىڭىز ماڭگى جادىندا ساقتايدى», دەلىنگەن حابارلامادا.
ساعات ەرماعامبەت ۇلى جىلگەلديەۆ - 1954 جىلدىڭ 12 جەلتوقسانىندا قىزىلوردا وبلىسى, جالاعاش اۋدانى, اققىر اۋىلىندا تۋعان, قازاقستاننىڭ ەڭبەك سىڭىرگەن ءارتىسى, ەرەن ەڭبەگى ءۇشىن مەدالىنىڭ يەگەرى.
ساعات ەرماعامبەت ۇلى قازاق دراما تەاترى جانىنداعى تەاتر ستۋدياسىن, قازاق ۇلتتىق كونسەرۆاتورياسىنىڭ اكتەرلىك ءبولىمىن بىتىرگەن. 1977 جىلدان قازاق بالالار مەن جاستار تەاترى ساحناسىندا ونەر كورسەتەدى. ساعات جىلگەلديەۆ (ي.ساپارباەۆتىڭ «اۋىلدان كەلگەن ارۋىندا»), بايجان (ي.عايىپتىڭ «التىن اجالىندا»), ابدوللا (س.بالعاباەۆتىڭ «ەڭ ادەمى كەلىنشەگىندە»), قوجا احمەت ياساۋي (و.داستانوۆتىڭ «ازىرەت سۇلتانىندا»), شەگە, بايدالى بي, سەردالى (ع.مۇسىرەپوۆتىڭ «قىز جىبەك», «ۇلپان», «اقان سەرى – اقتوقتىسىندا») ت.ب. رولدەردە ويناعان
