ANTIKOR • 13 مامىر، 2022

جەمقورلىققا جول بەرگەن 14 توپ-مەنەدجەر جازالاندى

29 رەت كورسەتىلدى

وتكەن جىلى كۆازيمەملەكەتتىك سەكتوردىڭ 14 توپ-مەنەدجەرى قاراماعىنداعى قىزمەتكەرلەردىڭ سىبايلاس جەمقورلىق ارەكەتى ءۇشىن جاۋاپقا تارتىلدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ۇلان سارقۇلوۆ ايتتى، دەپ حابارلايدى Egemen.kz.

«كۆازيمەملەكەتتىك سەكتور سۋبەكتىلەرىنىڭ باسشىلارى سىبايلاس جەمقورلىقتىڭ الدىن الۋ شارالارىنا وزدەرى مۇددەلى بولۋى ءتيىس، ويتكەنى بۇل ولاردىڭ دا جاۋاپكەرشىلىگى. مىسالى، وتكەن جىلى كۆازيمەملەكەتتىك سەكتوردىڭ 14 توپ-مەنەدجەرى قاراماعىنداعى قىزمەتكەرلەردىڭ سىبايلاس جەمقورلىعى ءۇشىن ءتۇرلى تارتىپتىك جاۋاپقا تارتىلدى»، دەدى ۇلان سارقۇلوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

ونىڭ ايتۋىنشا، مەملەكەت كۆازيمەملەكەتتىك سەكتوردا سىبايلاس جەمقورلىققا قارسى بىرقاتار شارانى قولعا العان.

«2021 جىلدان باستاپ كۆازيمەملەكەتتىك سەكتوردا ەسەپ بەرۋدى كۇشەيتۋ ماقساتىندا قوعامدىق كەڭەستەر قۇرىلىپ جاتىر. كۆازيمەملەكەتتىك سەكتوردا سىبايلاس جەمقورلىق بۇزۋشىلىقتارىنىڭ ىقتيمال سۋبەكتىلەرىنىڭ اۋقىمى كەڭەيتىلدى. ولارعا ساتىپ الۋدى ۇيىمداستىرۋ جانە وتكىزۋ جونىندە شەشىمدەر قابىلداۋعا ۋاكىلەتتى نەمەسە مەملەكەتتىك بيۋدجەتتەن جانە ۇلتتىق قوردان قارجىلاندىرىلاتىن جوبالاردى ىرىكتەۋ مەن ىسكە اسىرۋعا جاۋاپتى ادامدار ەنگىزىلدى»، دەپ ءتۇسىندىردى ۇ. سارقۇلوۆ.

سوڭعى جاڭالىقتار

ۇقساس جاڭالىقتار