وبلىستىق ۆەتەريناريا باسقارماسىنىڭ مالىمەتىنشە, ءۇي جانۋارلارى اراسىنداعى ەتيولوگياسى بەلگىسىز اۋرۋ ەرەيمەنتاۋ اۋدانىنىڭ 5 ەلدى مەكەنىندە (ەرەيمەنتاۋ قالاسى, اقمىرزا, ەركىنشىلىك, ۆەرەنكا جانە ەڭبەك اۋىلدارى) جانە 14 مال جايىلىم ۋچاسكەلەرىندە تىركەلگەن. اۋدان بويىنشا بارلىعى 2,5 مىڭ باس ءىرى قارا جانە 1,7 مىڭ باس قوي-ەشكى اۋىرۋ جۇقتىرعان. 19 باس ءىرى قارا مال قىرىلدى. قازىرگى كەزدە, ۆەتەرينارلىق قىزمەت ماماندارى بارلىق ەلدى مەكەندەردەگى اۋرۋ مال باسىن تەكسەرىپ, سيمپتوماتيكالىق ەم جۇرگىزۋدە.
«ەرەيمەنتاۋ اۋدانىنىڭ ۆەتەرينارلىق ستانتسياسى اقمولا وبلىسىنىڭ ۆەتريناريا باسقارماسى جانىنان اۋرۋ مالداردى ەمدەۋ ءۇشىن قايتارىمدى قاراجات رەتىندە 5 ميلليون تەڭگە سوماسىنا ۆەتەريناريالىق پرەپاراتتار ساتىپ الدى. زاڭناماعا سايكەس ەمدەۋ مال يەلەرى ەسەبىنەن جۇرگىزىلەدى», دەلىنگەن ۆەدومستۆو حابارلاماسىندا.
سونىمەن قاتار ەرەيمەنتاۋ اۋدانىندا جاپپاي دەرتكە شالدىققان ءۇي جانۋارلارىنان الىنعان زەرتحانالىق سىناما اۋسىلعا تەرىس ناتيجە كورسەتتى. وسى رەتتە, ۆەتەرينار ماماندار جانۋارلاردىڭ يەلەرىنە ەتيولوگياسى بەلگىسىز اۋرۋدىڭ الدىن الۋ شاراسى رەتىندە شيكى ءسۇتتى, سونداي-اق ونىڭ نەگىزىندە دايىندالعان ونىمدەردى قولدانباۋعا كەڭەس بەرەدى.
الدىن الۋداعى وتە ماڭىزدى شارا-ءسۇتتى قايناتۋ جانە پاستەرلەۋ قاجەتتىگىن ەسكەرتەدى.
