«رەفەرەندۋم – بۇل كونستيتۋتسياعا وزگەرىستەر ەنگىزۋ قاجەتتىگى بوينشا بۇكiلحالىقتىق داۋىس بەرۋ ءراسىمى. اتالعان ءراسىم مەملەكەتتىڭ نەعۇرلىم ماڭىزدى ماسەلەلەرiنە ارنالعان شەشiمدەردi قابىلداۋعا قاتىستى وتكىزىلۋى مۇمكىن. كونستيتۋتسيانىڭ 91-بابىنا سايكەس وعان تۇزەتۋلەر ەنگىزۋدىڭ 2 جولى بار. ءبىرى رەسپۋبليكالىق رەفەرەندۋم نەمەسە پارلامەنت ارقىلى. پرەزيدەنت ءبىرىنشى جولدى تاڭدادى. ويتكەنى, ءدال وسى جول دەموكراتيالىق ينستيتۋتتاردىڭ دامۋىن كورسەتەدى. رەفەرەندۋمعا كامەلەت جاسىنا تولعان بارلىق ازامات قاتىسا الادى. بۇگىندە ورتالىق سايلاۋ كوميسسياسى رەفەرەندۋمعا قاتىسۋعا قۇقىعى بار ازاماتتاردىڭ ءتىزىمىن جاساقتاپ جاتىر», دەدى الما مۇقانوۆا ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.
