قوعام • 11 مامىر، 2022

ادام قۇقىعى جونىندەگى ۋاكىلدىڭ مارتەبەسى اتا زاڭمەن رەتتەلەتىن بولادى

30 رەت كورسەتىلدى

اتا زاڭدا ادام قۇقىعى جونىندەگى ۋاكىلدىڭ مارتەبەسى بەكىتىلەتىن بولادى. بۇل تۋرالى قر كونستيتۋتسيالىق كەڭەسىنىڭ اپپارات باسشىسى باقىت نۇرمۇحانوۆ ايتتى، دەپ حابارلايدى Egemen.kz.

«ادام قۇقىعى جونىندەگى ۋاكىلدىڭ كونستيتۋتسيالىق مارتەبەسىن رەتتەۋ تۋرالى ماسەلە بۇرىننان كوتەرىلىپ جۇرگەن بولاتىن. ەۋروپا كەڭەسىنىڭ ۆەنەتسيالىق كوميسسياسى كەزىندە قازاقستاندىق ومبۋدسمەننىڭ قۇقىقتىق نەگىزدەرىن قاراستىرىپ، سول كەزدە دە وسىنداي ۇسىنىس بەرگەن. 2017 جىلعى كونستيتۋتسيالىق رەفورما كەزىندە ادام قۇقىعى جونىندەگى ۋاكىل ءبىرىنشى رەت كونستيتۋتسيا ماتىنىندە قوسىلدى. ول سەناتتىڭ وكىلەتتىكتەرىنە قاتىستى. پرەزيدەنتتىڭ ۇسىنۋى بويىنشا ومبۋدسمەن 5 جىلعا تاعايىندالادى دەپ جازىلدى. ەندى بۇل ءىس-شاراعا قوسىمشا اتالعان ينستيتۋتتىڭ مارتەبەسىن، قۇقىقتىق جاعدايىن ەگجەي-تەگجەيلى اتا زاڭدا رەتتەۋ قاجەتتىلىگى تۋىنداپ وتىر. ونىڭ جالپى تاعايىندالۋى، ميسسياسى، مىندەتتەرى، جۇمىس ىستەۋ تاسىلدەرى — بارلىعى 7 تاراۋعا، 83-1-باپقا ەنگىزىلىپ وتىر»، دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.

ونىڭ ايتۋىنشا، تۇزەتۋلەردە ومبۋدسمەن ينستيتۋتى ادام قۇقىعىن قورعاۋعا ىقپالداساتىن، جالپى ادام قۇقىقتارىن قورعاۋ جۇيەسىن ناسيحاتتايتىن مەملەكەتتىمىزدەگى ينستيتۋتتىڭ ءبىرى دەپ جازىلادى.

«ول - تاۋەلسىز لاۋازىمدى تۇلعا. حالىقارالىق تاجىريبەدە سولاي قالىپتاسقان. ونىڭ ءوزىنىڭ جۇمىس ىستەۋ ءتاسىلى بار. ومبۋدسمەنگە دە ازاماتتاردان، ۇيىمداردان شاعىم-ارىزدار ءتۇسىپ جاتىر. ولاردى قاراۋ ءتارتىبى بار. ومبۋدسمەن ۇيىمدارعا ءوزىنىڭ ساۋالىن جولداي الادى. ول سوت پروتسەسىنە ازاماتتاردىڭ مۇددەسىن قورعاۋ ماقساتىندا تالاپ ارىزدارىن بەرۋگە قۇقىلى جانە پارلامەنتكە دەيىن، پرەزيدەنتكە دەيىن ەسەبىمەن، ۇسىنىستارىمەن شىعا الاتىن تۇلعا»، دەدى باقىت نۇرمۇحانوۆ.

سوڭعى جاڭالىقتار

پاريجگە سىيماعان پول

ونەر • بۇگىن، 21:16

قارتتار ۇيىندەگى ۆالس

قوعام • بۇگىن، 21:05

دوللار قايتا كوتەرىلدى

قارجى • بۇگىن، 16:35

ۇقساس جاڭالىقتار