كوللاجدى جاساعان زاۋرەش سماعۇل, «EQ»
«ازاماتتارعا ارنالعان ۇكىمەت» – قازاقستاندا مەملەكەتتىك قىزمەتتەردى كورسەتۋشى بىرىڭعاي پروۆايدەر سانالادى. كورپوراتسيا ءتورت ءتۇرلى مەكەمەنىڭ قوسىلۋى ناتيجەسىندە قۇرىلعانىن ايتا كەتكەن ورىندى.
«كورپوراتسيا حالىققا قىزمەت كورسەتۋ ورتالىقتارىنا جاۋاپتى مەكەمە رەتىندە تانىمال. الايدا ودان بولەك جەر كاداسترى, جىلجىمايتىن م ۇلىك, الەۋمەتتىك تولەمدەر مەن زەينەتاقىنى ەسەپتەۋ, زاڭدى تۇلعالاردى تىركەۋ سىندى باعىتتا دا جۇمىس ىستەيتىنىمىزدى ەسكە سالا كەتكەن ءجون. كورپوراتسيا مەملەكەتتىك رەەستردەگى 664 قىزمەت ءتۇرىن كورسەتەدى. 5 جىل ارالىعىندا ەلىمىزدىڭ ازاماتتارىنا 167 ملن-نان اسا قىزمەت كورسەتىلدى», دەدى ۇيىم باسشىسى.
بۇل كۆازيمەملەكەتتىك كومپانيادا 22 مىڭ مامان قىزمەت ەتەتىنىن ەسكەرسەك, وڭىرلەر مەن الماتى, شىمكەنت, سونداي-اق استانادا بارلىعى 19 فيليال جۇمىس ىستەيدى. بۇعان قوسا اۋىل-ايماقتى قامتيتىن 328 حالىققا قىزمەت كورسەتۋ ورتالىعى, جىلجىمايتىن م ۇلىك پەن جەر كاداسترى, الەۋمەتتىك تولەمدەرگە بايلانىستى بارلىعى 442 بەك-وفيس اشىلىپ, جۇمىسى جولعا قويىلعان. سول سەكىلدى اۋىلدى ەلدى مەكەندەرگە 68 ءموبيلدى حقو قىزمەت كورسەتەدى. بۇگىندە كۇن تارتىبىندە بىرقاتار قىزمەتتى اۆتوماتتاندىرىپ, تسيفرلى فورماتقا اۋىستىرۋ كوزدەلىپ وتىر.
مەملەكەتتىك كورپوراتسيانىڭ فرونت-وفيستەر جەلىسىنە بايلانىستى تاياۋ بولاشاققا ارنالعان نەگىزگى جوسپارى – وزىنە ءوزى قىزمەت كورسەتۋگە باعدارلانعان حقو-ىن قاعازسىز قىزمەت كورسەتۋگە اۋىستىرۋ.
«بۇگىندە ازاماتتاردىڭ 80%-ى حقو-نا تەك 10 مەملەكەتتىك قىزمەت الۋ ءۇشىن جۇگىنەدى, ونىڭ 5-ءى ىشكى ىستەر مينيسترلىگىنىڭ باعىتىمەن تىكەلەي بايلانىستى. ونى اۆتوماتتاندىرىپ, ونلاين قىزمەتتەردى ارتتىرۋ كەرەك. تۇتاستاي ايتساق, حالىققا قىزمەت كورسەتۋ ورتالىقتارىنا جۇگىنەتىن حالىقتىڭ سانى ازايىپ بارادى. ايتالىق بيىلعى ءبىرىنشى توقساننىڭ قورىتىندىسىنا سايكەس بىلتىرعى كەزەڭىمەن سالىستىرعاندا قىزمەت الۋشىلاردىڭ سانى 10%-عا قىسقاردى», دەدى س.ءابدىلدين.
تسيفرلاندىرۋ قۇجات راسىمدەۋدى جەڭىلدەتەدى
قازىر حالىققا قىزمەت كورسەتۋ سالاسىندا قۇجات راسىمدەۋ ءىسى ۇزىن-سونار كەزەك قالىپتاستىراتىن شارۋاعا اينالىپ كەتكەنى جاسىرىن ەمەس. ەندى كۇرمەۋلى ماسەلەنى تسيفرلاندىرۋ ارقىلى شەشۋ قاراستىرىلىپ وتىر.
«بىلتىر 2,5 ملن-عا جۋىق ازامات حقو ارقىلى تولقۇجات پەن جەكە كۋالىكتەر العان. بۇل قىزمەت ءىشىنارا اۆتوماتتاندىرىلىپ, ونى تەك كوشى-قون پوليتسياسىنىڭ ەكى قىزمەتكەرى عانا كورسەتىپ كەلەدى. سونىمەن قاتار قىزمەت الۋشىلار قۇجاتتاعى فوتوسۋرەتتىڭ ساپاسىنا كوڭىلى تولماي ءجيى شاعىمدانادى. سوندىقتان قىزمەت كورسەتۋ ورىندارىندا قۇجاتتاۋ تەرمينالدارىن ورناتۋدى ۇسىندىق. قۇجاتتاۋ تەرمينالدارى بيومەتريالى جۇيە مەن تۇسىنىكتى ينتەرفەيسپەن جابدىقتالعان. بۇگىندە مۇنداي تەرمينالداردى قاناتقاقتى رەجىمدە ىسكە قوسۋعا بايلانىستى ءىىم-مەن بىرلەسكەن بۇيرىققا قول قويۋ ماسەلەسى شەشىلىپ جاتىر», دەدى كورپوراتسيانىڭ توراعاسى.
بىلتىر Kaspi.kz جانە Halyk Bank ءموبيلدى قوسىمشالارىندا كولىكتى قايتا تىركەۋ قىزمەتى ىسكە قوسىلعانىن ايتا كەتكەن ابزال. بۇل ارقىلى كولىكتى تىركەۋ ۋاقىتى 15-25 مينۋتقا دەيىن قىسقاردى. بيىلعى ءبىرىنشى توقساندا قوسىمشالار ارقىلى ونلاين قايتا راسىمدەۋلەردىڭ ۇلەسى 37%-عا جەتتى. ماسەلەن, ازاماتتار ءموبيلدى قوسىمشالاردىڭ كومەگىمەن كولىكتى قايتا تىركەۋ قىزمەتىن 244 مىڭ رەت, سول سەكىلدى eGov.kz پورتالى ارقىلى 10 مىڭ رەت پايدالانعان.
بۇدان باسقا جۇرگىزۋشى كۋالىگىن الۋعا بايلانىستى سىبايلاس جەمقورلىق دەرەكتەرىن ازايتۋ بويىنشا دا بىرقاتار جۇمىس قولعا الىندى. ۇيىم باسشىسى ايتقانداي, بارلىق مامانداندىرىلعان حقو جاڭعىرتىلىپ, تەوريالىق ەمتيحان تاپسىرۋ كەزىندە ارنايى بيومەتريالى جۇيە ەنگىزىلدى.
«وسى تەتىك ەنگىزىلگەلى بەرى قازاقستاندا جۇرگىزۋشى كۋالىگىن العاندار سانى ورتا ەسەپپەن 58%-عا تومەندەدى. بىلتىر العاشقى توقساندا 36 مىڭ ادام جۇرگىزۋشى كۋالىگىن السا, بيىل بۇل كورسەتكىش 15,2 مىڭ ادامعا تەڭ. سونداي-اق اۆتودرومدارداعى جابدىقتار جاڭارتىلىپ جاتىر. ەندى كىشىگىرىم اپات بولعان جاعدايدا دا كولىك قاجەتتى ەلەمەنت دۇرىس-بۇرىس جاسالعانىن كورسەتەدى. سەبەبى ولار GPS تەحنولوگياسى ارقىلى جۇمىس ىستەيدى. قازىر 14 مامانداندىرىلعان حقو-دا اۆتودروم جاڭعىرتىلدى.
البەتتە, جۇرگىزۋشى كۋالىكتەرىن بەرۋگە باعىتتالعان بارلىق ءىس-شارا ۇزىن-سونار كەزەكتەرگە اكەلىپ سوقتىردى. مۇنى شىمكەنتتە بولعان جاعدايدان كوردىك. ەگەر دە بۇرىن سىناق تاپسىرۋشىلاردىڭ 50%-ى جۇرگىزۋشى كۋالىگىن ءساتتى تاپسىرسا, قازىر بەسىنشى مۇمكىندىكتەن كەيىن عانا تاپسىرا الاتىنى بايقالىپ وتىر. مامانداندىرىلعان حقو-نا تۇسەتىن جۇكتەمە ارتقاندىقتان كەزەكتىڭ دە كوبەيەتىنى بەلگىلى. سوندىقتان ينفراقۇرىلىمدى ۇلعايتۋىمىز قاجەت. وسى باعىتتا جۇمىس ىستەپ جاتىرمىز. تۇركىستان قالاسى مەن اتالعان وڭىردە, جاڭاوزەندە جانە ارقالىقتا اۆتودرومدار اشۋعا بايلانىستى جەدەل جۇمىس جۇرگىزىلىپ جاتىر. ءىىم-مەن بىرلەسىپ, اۆتومەكتەپتەردىڭ جاۋاپكەرشىلىگىن كۇشەيتۋ مەن سىناق ەمتيحاندارىن ەنگىزۋ بويىنشا ماسەلەلەر پىسىقتالىپ جاتىر», دەدى س.ءابدىلدين.
مەملەكەتتىك كورپوراتسيانىڭ باسشىسى بارلىق الەۋمەتتىك تولەم اتالعان ۇيىم ارقىلى وتەتىنىن, سونداي-اق بۇل باعىتتا اۋقىمدى جۇمىس قولعا الىنعانىن ايتتى. «ازاماتتارعا ارنالعان ۇكىمەت» ارقىلى الەۋمەتتىك تولەمدەردىڭ 44 ءتۇرى كورسەتىلىپ, بارلىعى 3,6 ملن ادامعا جاردەماقى بەرىلىپ كەلەدى. سونىمەن قاتار الەۋمەتتىك سالاداعى مەملەكەتتىك قىزمەتتەردى تولىعىمەن «ازاماتتارعا ارنالعان مەملەكەت» قاعيداسىنا سايكەس پرواكتيۆتى فورماتقا كوشىرۋ جوسپارلانىپ وتىر.
قازىر الەۋمەتتىك بلوك جەلىسى بويىنشا 13 مەملەكەتتىك قىزمەت پرواكتيۆتى تۇردە ۇسىنىلىپ كەلەدى.
«بىلتىرعى شىلدەدەن باستاپ بالانىڭ تۋى مەن ونىڭ كۇتىمىنە بايلانىستى جاردەماقى, سونداي-اق جۇكتىلىك پەن بالا اسىراپ الۋعا بايلانىستى تابىسىنان ايىرىلعان جاعدايدا بەرىلەتىن جاردەماقى سەكىلدى ءۇش الەۋمەتتىك تولەم بويىنشا ەكستەرريتوريالدى قاعيداتى ەنگىزىلدى. بيىل تاعى 14 مەملەكەتتىك قىزمەتتى ەكستەرريتوريالدى قاعيداسىمەن كورسەتۋ قاناتقاقتى رەجىمدە جۇزەگە اسىرىلادى. سونداي-اق بيىل تاعى الەۋمەتتىك سالاداعى 2 مەملەكەتتىك قىزمەتتى ەلەكتروندى فورماتقا كوشىرۋدى جوسپارلانىپ وتىر. الەۋمەتتىك سالاداعى مەملەكەتتىك قىزمەتتەردى بانكتەردىڭ ءموبيلدى قوسىمشالارى ارقىلى كورسەتۋ جاقسى دامىپ جاتىر. كەيىنگى ءبىر جىلدا Kaspi.kz جانە Halyq Homebank قوسىمشالارى ارقىلى 16 مىڭ قىزمەت كورسەتىلدى», دەدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما توراعاسى.
بانكتەرگە تولەنەتىن كوميسسيا كولەمى ەڭبەك مينيسترلىگىمەن بىرگە وزگەرتىلىپ, رەسپۋبليكالىق بيۋدجەتتىڭ 4,3 ملرد تەڭگەسى ۇنەمدەلدى.
