قازاقستان رەسپۋبليكاسى ۇكىمەتىنىڭ قاۋلىسى № 72

2014 جىلعى 10 اقپان استانا, ۇكىمەت ءۇيى كورسەتىلەتىن زاڭ كومەگى ساپاسىنىڭ كريتەريلەرىن بەكىتۋ تۋرالى «مەملەكەت كەپىلدىك بەرگەن زاڭ كومەگى تۋرالى» 2013 جىلعى 3 شىلدە­دەگى قازاقستان رەسپۋبليكاسى زاڭىنىڭ 10-بابىنا سايكەس قازاقستان رەسپۋبليكا­سىنىڭ ۇكىمەتى قاۋلى ەتەدى: 1. قوسا بەرىلىپ وتىرعان كورسەتىلەتىن زاڭ كومەگى ساپاسىنىڭ كريتەريلەرى بەكىتىلسىن. 2. وسى قاۋلى العاشقى رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى        س. احمەتوۆ. قازاقستان رەسپۋبليكاسى ۇكىمەتىنىڭ 2014 جىلعى 10 اقپانداعى № 72 قاۋلىسىمەن بەكىتىلگەن كورسەتىلەتىن زاڭ كومەگى ساپاسىنىڭ كريتەريلەرى 1. مەملەكەت كەپىلدىك بەرگەن زاڭ كومەگى: 1) قۇقىقتىق اقپارات بەرۋ; 2) قۇقىقتىق كونسۋلتاتسيا بەرۋ; 3) «مەملەكەت كەپىلدىك بەرگەن زاڭ كومەگى تۋرالى» 2013 جىلعى 3 شىلدەدەگى قازاقستان رەسپۋبليكاسىنىڭ زاڭىندا جانە قازاقستان رەسپۋبليكاسىنىڭ وزگە دە زاڭنامالىق اكتىلەرىندە بەلگىلەنگەن جاعدايلاردا جانە تارتىپپەن سوتتاردا, قىلمىستىق قۋدالاۋ ورگاندارىندا, وزگە دە مەملەكەتتىك ورگاندار مەن مەملەكەتتىك ەمەس ۇيىمداردا جەكە تۇلعالاردىڭ مۇددەلەرىن قورعاۋ جانە ءبىلدىرۋ تۇرىندە كورسەتىلەدى. 2. مىنالار قۇقىقتىق اقپارات بەرۋ تۇرىندە كورسەتىلەتىن زاڭ كومەگى ساپاسىنىڭ كريتەريلەرى بولىپ تابىلادى: 1) زاڭمەن بەرىلگەن وكىلەتتىكتەر شەگىندە قۇقىقتىق اقپارات بەرۋدى جۇزەگە اسىرۋ; 2) حالىققا وبەكتيۆتى جانە جان-جاقتى اقپاراتتىڭ بەرىلۋىن قامتاماسىز ەتۋ; 3) قۇقىقتىق اقپارات بەرۋ تۇرىندە زاڭ كومەگىن كورسەتەتىن سۋبەكتىلەردىڭ ارەكەتىنە (ارەكەتسىزدىگىنە) نەگىزدەلگەن شاعىمداردىڭ بولماۋى. 3. مىنالار قۇقىقتىق كونسۋلتاتسيا بەرۋ تۇرىندە كورسەتىلەتىن زاڭ كومەگى ساپاسىنىڭ كريتەريلەرى بولىپ تابىلادى: 1) جەكە تۇلعالاردىڭ وتىنىشتەرىنە مەملەكەتتىك تىلدە نەمەسە قازاقستان رەسپۋبليكاسىنىڭ زاڭناماسىنا سىلتەمە جاساي وتىرىپ, ءوتىنىش بەرىلگەن تىلدە ۋاجدەلگەن جاۋاپ بەرە وتىرىپ, ولاردىڭ وبەكتيۆتى, جان-جاقتى قارالۋىن قامتاماسىز ەتۋ; 2) جەكە تۇلعالاردىڭ وتىنىشتەرىن قاراۋ كەزىندە مەرزىمدەرىن ساقتاۋ; 3) ءوتىنىش بەرۋشىلەردىڭ وتىنىشتەرى قۇزىرەتىنە سايكەس باسقا سۋبەكتىلەرگە نەمەسە لاۋازىمدى ادامدارعا جىبەرىلگەنى تۋرالى ولاردى ۋاقتىلى حاباردار ەتۋ; 4) قۇقىقتىق كونسۋلتاتسيا تۇرىندە زاڭ كومەگىن كورسەتەتىن سۋبەكتىلەردىڭ ارەكەتىنە (ارەكەتسىزدىگىنە) نەگىزدەلگەن شاعىمداردىڭ بولماۋى. 4. مىنالار سوتتاردا, قىلمىستىق قۋدالاۋ ورگاندارىندا, وزگە دە مەملەكەتتىك ورگاندار مەن مەملەكەتتىك ەمەس ۇيىمداردا جەكە تۇلعالاردىڭ مۇددەلەرىن قورعاۋ جانە ءبىلدىرۋ تۇرىندە كورسەتىلەتىن زاڭ كومەگى ساپاسىنىڭ كريتەريلەرى بولىپ تابىلادى: 1) كاسىپتىك مىندەتتەردى ورىنداۋ كەزىندە قازاقستان رەسپۋبليكاسى زاڭناماسىنىڭ نورمالارىن ساقتاۋ; 2) كاسىپتىك مىندەتتەردى ورىنداۋ كەزىندە ادۆوكاتتاردىڭ كاسىپتىك ەتيكاسى كودەكسىنىڭ نورمالارىن ساقتاۋ; 3) قىلمىستىق قۋدالاۋ ورگاندارىنىڭ لاۋازىمدى ادامدارىنىڭ زاڭ كومەگىن كورسەتەتىن سۋبەكتىلەردىڭ ارەكەتىنە (ارەكەتسىزدىگىنە) نەگىزدەلگەن شاعىمدارىنىڭ بولماۋى; 4) زاڭ كومەگىن كورسەتەتىن سۋبەكتىلەردىڭ ارەكەتىنە (ارەكەتسىزدىگىنە) سوتتار­دىڭ زاڭدى كۇشىنە ەنگەن جەكە قاۋلىلارىنىڭ, ۇيعارىمدارىنىڭ بولماۋى; 5) زاڭ كومەگىن كورسەتەتىن سۋبەكتىلەردىڭ ارەكەتىنە (ارەكەتسىزدىگىنە) نەگىزدەلگەن شاعىمداردىڭ بولماۋى. 5. مەملەكەت كەپىلدىك بەرگەن زاڭ كومەگىن كورسەتەتىن سۋبەكتىلەردىڭ قىزمە­تىن ۇيلەستىرۋدى, سونداي-اق كورسەتىلەتىن زاڭ كومەگىنىڭ ساپاسىن باقىلاۋدى قازاق­ستان رەسپۋبليكاسىنىڭ زاڭناماسىنا سايكەس ۋاكىلەتتى ورگان جۇزەگە اسىرادى.