قازاقستان رەسپۋبليكاسى ۇكىمەتىنىڭ قاۋلىسى № 77

2014 جىلعى 11 اقپان  استانا, ۇكىمەت ءۇيى قازاقستان رەسپۋبليكاسى ۇكىمەتىنىڭ «ىشكى نارىقتا تاۋارلىق جانە سۇيىتىلعان مۇناي گازىن كوتەرمە ساۋدادا وتكىزۋدىڭ شەكتى باعالارىن ايقىنداۋ قاعيدالارىن بەكىتۋ تۋرالى» 2012 جىلعى 29 ماۋسىمداعى № 884 جانە «رەتتەلەتىن نارىقتارداعى باعانى بەلگىلەۋ ەرەجەسىن بەكىتۋ تۋرالى» 2009 جىلعى 3 ناۋرىزداعى № 238 قاۋلىلارىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. قازاقستان رەسپۋبليكاسى ۇكىمەتىنىڭ كەيبىر شەشىمدەرىنە مىناداي وزگەرىستەر مەن تولىقتىرۋلار ەنگىزىلسىن: 1) «ىشكى نارىقتا تاۋارلىق جانە سۇيىتىلعان مۇناي گازىن كوتەرمە ساۋدادا وتكىزۋدىڭ شەكتى باعالارىن ايقىنداۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 29 ماۋسىمداعى № 884 قاۋلىسىندا (قازاقستان رەسپۋبليكاسىنىڭ ءپۇاج-ى, 2012 ج., № 61, 836-قۇجات): كورسەتىلگەن قاۋلىمەن بەكىتىلگەن ىشكى نارىقتا تاۋارلىق جانە سۇيىتىلعان مۇناي گازىن كوتەرمە ساۋدادا وتكىزۋدىڭ شەكتى باعالارىن ايقىنداۋ قاعيدالا­رىندا: 2-تارماق مىناداي مازمۇنداعى 3) تارماقشامەن تولىقتىرىلسىن: «3) جەر قويناۋىن پايدالانۋشى - جەر قويناۋىن پايدالانۋ جونىندەگى وپەراتسيالاردى جۇرگىزۋگە ارنالعان قۇقىققا يە جەكە نەمەسە زاڭدى تۇلعا.»; 5, 6-تارماقتار مىناداي رەداكتسيادا جازىلسىن: «5. ەگەر تاۋارلىق گازدى كوتەرمە ساۋدادا وتكىزۋدىڭ شەكتى باعالارىن ەسەپتەۋ ءۇشىن پايدالانىلاتىن تاۋارلىق گازدىڭ باعالارى جونىندەگى دەرەكتەر اقش دوللارىمەن بەرىلگەن بولسا, ستراتەگيالىق جانە ەكونوميكالىق جوسپارلاۋ, بيۋدجەت ساياساتىن ازىرلەۋ مەن قالىپتاستىرۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ۋاكىلەتتى ورگانعا ۇسىنىستار بەرىلگەن ساتكە ۇلتتىق بانك بەلگىلەگەن تەڭگەنىڭ اقش دوللارىنا رەسمي باعامى قولدانىلادى. 6. تاۋارلىق گازدى كوتەرمە ساۋدادا وتكىزۋدىڭ الداعى جارتىجىلدىققا ارنالعان شەكتى باعالارىنىڭ دەڭگەيى جونىندەگى ۇسىنىستاردى وبلىس, رەسپۋبليكالىق ماڭىزى بار قالا, استانا ءۇشىن ۋاكىلەتتى ورگان مناداي سومالاردى نەگىزگە الا وتىرىپ ازىرلەيدى: 1) مىنالاردىڭ ورتاشا ولشەمدى ماندەرىنىڭ جيىنتىعى: جوسپارلانعان كەزەڭدە وبلىسقا, رەسپۋبليكالىق ماڭىزى بار قالاعا, استاناعا جەتكىزۋ ماقساتىندا جەر قويناۋىن پايدالانۋشىلاردان ۇلتتىق وپەراتور ساتىپ الۋدى جوسپارلاپ وتىرعان تاۋارلىق گاز باعاسى; جوسپارلانعان كەزەڭگە ارنالعان قازاقستاندىق تاۋارلىق گازعا ورتاازيالىق جانە (نەمەسە) رەسەيلىك گازدى قارسى بەرۋ جونىندەگى مامىلەلەردىڭ شەڭبەرىندە ساتىپ الۋ جوسپارلانىپ وتىرعان تاۋارلىق گاز باعاسى; جوسپارلانعان كەزەڭگە يمپورتتىق جەتكىزۋلەر جونىندەگى مامىلەلەردىڭ شەڭبەرىندە قازاقستان رەسپۋبليكاسىنىڭ شەكاراسىندا ساتىپ الۋعا جوسپارلاناتىن تاۋارلىق گاز باعاسى; 2) تابيعي مونوپوليالار سالالارىندا جانە رەتتەلەتىن نارىقتاردا رەتتەۋدى جۇزەگە اسىراتىن مەملەكەتتىك ورگان بەكىتكەن تاريفتەردىڭ نەگىزىندە ايقىندالاتىن, تاۋارلىق گازدى ماگيسترالدىق گاز ساتىپ الىناتىن جەردەن ونى قۇبىرلارمەن وبلىستىڭ, رەسپۋبليكالىق ماڭىزى بار قالانىڭ, استانانىڭ گاز تاراتۋ جۇيەلەرىنە دەيىن تاسىمالداۋ جانە جەراستى گاز قويمالارىندا ساقتاۋ جونىندەگى ورتاشا ولشەمدى شىعىستار; 3) ستراتەگيالىق جانە ەكونوميكالىق جوسپارلاۋ, بيۋدجەت ساياساتىن ازىرلەۋ مەن قالىپتاستىرۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن مەملەكەتتىك ورگانمەن كەلىسىم بويىنشا ۋاكىلەتتى ورگان ايقىندايتىن جانە بەلگىلەنگەن ءتيىستى كەزەڭ باستالعانعا دەيىن كۇنتىزبەلىك ءبىر ءجۇز جيىرما كۇنگە دەيىنگى مەرزىمگە بەلگىلەنەتىن ءاربىر وبلىس, رەسپۋبليكالىق قالا, استانا ءۇشىن جەكە جوسپارلانعان كەزەڭگە ارنالعان رەنتابەلدىلىك نورماسى.». 7-تارماق الىنىپ تاستالسىن; 8-تارماق مىناداي رەداكتسيادا جازىلسىن: «8. وسى قاعيدالاردىڭ 6-تارماعىنا سايكەس ازىرلەنگەن وبلىس, رەسپۋبليكالىق ماڭىزى بار قالا, استانا ءۇشىن تاۋارلىق گازدىڭ جوسپارلانعان كەزەڭگە ارنالعان شەكتى باعاسىنىڭ دەڭگەيى جونىندەگى ۇسىنىستاردا تاۋارلىق گازدىڭ شەكتى باعاسىنىڭ دەڭگەيىن اعىمداعى دەڭگەيمەن سالىستىرعاندا كۇنتىزبەلىك ءبىر جىلدىڭ ىشىندە ون بەس پايىزدان استامعا ۇلعايتۋدى كوزدەۋگە بولمايدى.»; 15,16-تارماقتار مىناداي رەداكتسيادا جازىلسىن: «15. وسى قاعيدالاردىڭ 14-تارماعىنا سايكەس ازىرلەنگەن سۇيىتىلعان مۇناي گازىنىڭ جوسپارلاناتىن كەزەڭگە ارنالعان شەكتى باعاسىنىڭ دەڭگەيى جونىندەگى ۇسىنىستاردا سۇيىتىلعان مۇناي گازىنىڭ شەكتى باعاسىنىڭ دەڭگەيىن اعىمداعى دەڭگەيمەن سالىستىرعاندا كۇنتىزبەلىك ءبىر جىلدىڭ ىشىندە ون بەس. پايىزدان استامعا ۇلعايتۋدى كوزدەۋگە بولمايدى. 16. سۇيىتىلعان مۇناي گازىن كوتەرمە ساۋدادا وتكىزۋدىڭ شەكتى باعالارىنىڭ دەڭگەيى جونىندەگى ۇسىنىستاردى ۋاكىلەتتى ورگان ءتيىستى كەزەڭ باستالعانعا دەيىن كۇنتىزبەلىك الپىس بەس كۇننەن كەشىكتىرمەي ازىرلەيدى جانە ازىرلەۋ كەزىندە پايدالانىلعان دەرەكتەردى قوسا بەرە وتىرىپ, ستراتەگيالىق جانە ەكونوميكالىق جوسپارلاۋ, بيۋدجەت ساياساتىن ازىرلەۋ مەن قالىپتاستىرۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ۋاكىلەتتى ورگانعا كەلىسۋگە ەنگىزەدى. تاۋارلىق گازدى كوتەرمە ساۋدادا وتكىزۋدىڭ شەكتى باعالارىنىڭ دەڭگەيى جونىندەگى ۇسىنىستاردى ۋاكىلەتتى ورگان ءتيىستى كەزەڭ باستالعانعا دەيىن كۇنتىزبەلىك ءبىر ءجۇز جيىرما كۇننەن كەشىكتىرمەي ازىرلەيدى جانە ازىرلەۋ كەزىندە پايدالانىلعان دەرەكتەردى قوسا بەرە وتىرىپ, ستراتەگيالىق جانە ەكونوميكالىق جوسپارلاۋ, بيۋدجەت ساياساتىن ازىرلەۋ مەن قالىپتاستىرۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ۋاكىلەتتى ورگانعا كەلىسۋگە ەنگىزەدى. ۇسىنىستاردى كەلىسۋ مەرزىمى كۇنتىزبەلىك وتىز بەس كۇننەن اسپاۋعا ءتيىس.»; 23-تارماق مىناداي رەداكتسيادا جازىلسىن: «23. سۇيىتىلعان مۇناي گازىن كوتەرمە ساۋدادا وتكىزۋدىڭ بەكىتىلگەن شەكتى باعالارى سۇيىتىلعان مۇناي گازىن بولشەك ساۋدادا وتكىزۋدى جۇزەگە اسىراتىن جانە رەتتەلەتىن نارىق سۋبەكتىلەرى بولىپ تابىلاتىن تۇلعالار ءۇشىن بەلگىلەنەتىن بولشەك ساۋدادا وتكىزۋدىڭ شەكتى باعالارىن ايقىنداۋ كەزىندە پايدالانىلادى.»; مىناداي مازمۇنداعى 24-تارماقپەن تولىقتىرىلسىن: «24. تاۋارلىق گازدى بولشەك ساۋدادا وتكىزۋدى جۇزەگە اسىراتىن جانە رەتتەلەتىن نارىق سۋبەكتىلەرى بولىپ تابىلاتىن تۇلعالار ءۇشىن تاۋارلىق گازدى بولشەك ساۋدادا وتكىزۋدىڭ شەكتى باعالارىن قازاقستان رەسپۋبليكاسىنىڭ تابيعي مونوپوليالار جانە رەتتەلەتىن نارىقتار تۋرالى زاڭناماسىنا سايكەس تابيعي مونوپوليالار سالاسىنداعى جانە رەتتەلەتىن نارىقتارداعى باسشىلىقتى جۇزەگە اسىراتىن ۋاكىلەتتى ورگان تۇتىنۋشىلاردىڭ توپتارى بويىنشا ايقىنداۋى مۇمكىن.»; 2) «رەتتەلەتىن نارىقتارداعى باعانى بەلگىلەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 3 ناۋرىزداعى № 238 قاۋلىسىندا (قازاقستان رەسپۋبليكاسىنىڭ ءپۇاج-ى, 2009 ج., № 13, 93-قۇجات): كورسەتىلگەن قاۋلىمەن بەكىتىلگەن رەتتەلەتىن نارىقتارداعى باعانى بەلگىلەۋ ەرەجەسىندە: مىناداي مازمۇنداعى 7-2-تارماقپەن تولىقتىرىلسىن: «7-2. تاۋارلىق گازعا باعا بەلگىلەۋگە قاتىستى تابيعي مونوپوليالار سالاسىنداعى جانە رەتتەلەتىن نارىقتارداعى باسشىلىقتى جۇزەگە اسىراتىن ۋاكىلەتتى ورگان بەكىتەتىن رەتتەلەتىن نارىق سۋبەكتىلەرىنىڭ تاۋارلىق گازعا باعالاردى ەسەپتەۋ ادىستەمەسىنە سايكەس تۇتىنۋشىلاردىڭ توپتارى بويىنشا ءارتۇرلى باعا دەڭگەيىن بەلگىلەۋگە جول بەرىلەدى.». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى               س. احمەتوۆ.