قازاقستان • 09 مامىر، 2022

قازاقستان مەن مالديۆ ۆيزاسىز رەجيم تۋرالى كەلىسىمگە قول قويدى

72 رەت كورسەتىلدى

قازاقستان مەن مالديۆ ۆيزاسىز رەجيم تۋرالى كەلىسىمگە قول قويدى، دەپ حابارلايدى Egemen.kz قر سىرتقى ىستەر مينيسترلىگىنە سىلتەمە جاساپ.

«مالە، 2022 جىلعى 9 مامىر - قازاقستان رەسپۋبليكاسىنىڭ ۇكىمەتى مەن مالديۆ رەسپۋبليكاسىنىڭ ۇكىمەتى اراسىندا ۆيزالىق تالاپتاردان ءوزارا بوساتۋ تۋرالى كەلىسىمگە قول قويىلدى، بۇل ەكى ەلدىڭ ازاماتتارىنا قازاقستان مەن مالديۆتەر اۋماقتارىنا 30 كۇننەن اسپايتىن مەرزىمگە كەلۋگە جانە وندا بولۋعا مۇمكىندىك بەرەدى»، دەلىنگەن حابارلامادا.

دەگەنمەن سىرتقى ىستەر مينيسترلىگى جۇمىسقا ورنالاسۋ، ءبىلىم الۋ نەمەسە ىسكەرلىك ماقساتتا كىرۋگە نيەت بىلدىرگەن ادامدار ءتيىستى ۆيزانى رەسىمدەۋى قاجەت ەكەنىن حابارلادى. 

2021 جىلعى قازان ايىندا قازاقستان مەن مالديۆ ءوز ازاماتتارىنا ەكى ەلدىڭ شەكارالارىن ءوتۋ كەزىندە COVID-19 تەستىنىڭ تەرىس ناتيجەسى بار پتر انىقتامالارىن بەرۋ مىندەتتەمەسىنەن بوساتاتىن ۆاكتسيناتسيا پاسپورتتارىن ءوزارا مويىنداعانى ءمالىم.
 
ايانا توعانبەك
سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار