قوعام • 09 مامىر، 2022

التاي كولگىنوۆ ۇوس ارداگەرلەرىن جەڭىس كۇنىمەن قۇتتىقتادى

53 رەت كورسەتىلدى

ەلوردا اكىمى التاي كولگىنوۆ ۇلى وتان سوعىسى ارداگەرلەرىن جەڭىستىڭ 77 جىلدىعىمەن قۇتتىقتادى، دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.

«جەڭىس كۇنى مەرەكەسى قۇتتى بولسىن!

بۇل مەرەكەنىڭ تاريحىمىزدان الار ورنى ەرەكشە. باتىر بابالارىمىزدىڭ جانقيارلىعى مەن ەرلىگىنىڭ ارقاسىندا ەلىمىزدە بەيبىتشىلىك پەن تىنىشتىق سالتانات قۇردى.

ارداگەرلەرىمىزدى ۇلى جەڭىستىڭ 77 جىلدىق مەرەكەسىمەن قۇتتىقتادىم. ۆاسيلي انتونوۆيچ بيىل 96 جاسقا كەلەدى. سوعىس ۋاقىتىندا مينسك، ۆارشاۆا، پوزنان سەكىلدى وزگە دە قالالاردى جاۋ قولىنان ازات ەتتى. سوعىستان كەيىن تەمىرجول ستانتسياسىندا ەڭبەك ەتتى. ءوزىنىڭ كاسىبيلىگىنىڭ ارقاسىندا باسشىلىق قىزمەتتەردى دە اتقاردى جانە تەمىرجول كولىگىنىڭ دامۋىنا ولشەۋسىز ۇلەس قوستى.

ىرزاعۇل بايكەشەۆ بيىل 99 جاسقا تولادى. عاسىر جاساعان قاريا سوعىس زامانىندا پولشا، ۆەنگريا، رۋمىنيا ەلدەرىن باسقىنشىلاردان بوساتتى. سوعىستان كەيىن اقمولا وبلىسىنداعى اۋىلداردىڭ بىرىندە ەكسپەديتور بولىپ قىزمەت ەتتى.

ميحايل ۆاسيلەۆيچ سوعىستان كەيىن تەمىر جول سالاسىندا جۇمىس ىستەدى، سول سياقتى قالانىڭ ماڭىزدى نىساندارىنىڭ قۇرىلىسىنا اتسالىستى: تسەليننيكوۆ سارايى، ءبىرىنشى ستاديون، جەو، اۋەجاي جانە ت.ب.

ۇلى وتان سوعىسىنىڭ ءاربىر ارداگەرىنىڭ، قاتىسۋشىسىنىڭ قايعى مەن مۇڭعا دا، قۋانىشقا دا تولى ەستەلىكتەرى بار. ولاردىڭ اۋىر، «سوقتىقپالى، سوقپاسىز» ءومىر جولى كەيىنگى ۇرپاققا قاشاندا ۇلگى بولىپ قالماق. باتىرلارىمىزعا قامقورلىق كورسەتۋ، ەرلىكتەرىن، ەسىمدەرىن ۇلىقتاپ، قۇرمەت كورسەتۋ – بۇگىنگى ءبىزدىڭ باستى پارىزىمىز.

بۇگىن ەلوردامىزدا ەسكەرتكىشتەرگە گۇل شوقتارىن قويۋ ءراسىمى ءوتىپ جاتىر. قورعانىس ءمينيسترى رۋسلان جاقسىلىقوۆپەن بىرگە باتىرلارىمىزدى ەسكە الدىق.

ارداگەرلەر مەن تىل ەڭبەككەرلەرىنە ۇزاق عۇمىر، مىقتى دەنساۋلىق تىلەيمىن! جەڭىستىڭ 77 جىلدىق مەرەكەسى قۇتتى بولسىن!»، دەپ اكىم ءوزىنىڭ Instagram پاراقشاسىندا جازدى.

ايانا توعانبەك

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار