بۇگىندە تۇركىستان وبلىسىندا 21 مايدانگەر مەن سوعىس مۇگەدەگىنىڭ كوزى ءتىرى. سونداي-اق وڭىردە 5125 تىل ەڭبەككەرى تۇرىپ جاتىر. ال سوعىس قاتىسۋشىلارى مەن مۇگەدەكتەرىنە تەڭەستىرىلگەندەر سانى - 154.
جىل سايىن جەڭىس كۇنى مەرەكەسىنە وراي اتالعان ساناتتاعى ارداگەرلەرگە تۇراقتى تۇردە قولداۋ كورسەتىلىپ كەلەدى. قازاقستان رەسپۋبليكاسى بويىنشا ەكىنشى دۇنيەجۇزىلىك سوعىس ارداگەرلەرى مەن ولارعا تەڭەستىرىلگەن ازاماتتارعا بىردەي مولشەردە بىرجولعى ماتەريالدىق كومەك بەرۋ جوسپارلانىپ, جەرگىلىكتى بيۋدجەتتەن قارجى قاراستىرىلدى.
وسىلايشا, سوعىس ارداگەرلەرىنە 1 ء(بىر) ميلليون تەڭگەدەن, سوعىس قاتىسۋشىلارى مەن مۇگەدەكتەرىنە تەڭەستىرىلگەن ازاماتتارعا 30-100 مىڭ تەڭگە ارالىعىندا بىررەتتىك ماتەريالدىق كومەك بەرىلۋدە. جەڭىس مەرەكەسى قارساڭىندا تۇركىستان وبلىسىنداعى ءبىلىم ۇيالارى مەن سپورتتىق الاڭدارىندا پاتريوتتىق باعىتتاعى تاربيە ساعاتتارى, كەزدەسۋلەر مەن كونتسەرتتەر ۇيىمداستىرىلىپ جاتىر. سونىمەن قاتار جەرگىلىكتى مەكەمەلەر باسشىلارىنىڭ جانە ارداگەرلەر كەڭەسى توراعالارىنىڭ, قوعامدىق ۇيىمدار, ساياسي پارتيالاردىڭ قاتىسۋىمەن مايدانگەرلەر مەن تىل ەڭبەككەرلەرىنە قۇرمەت كورسەتىلمەك.
ايانا توعانبەك
