برازيليادا ءوتىپ جاتقان جازعى سۋردليمپياداعا ۇلتتىق قۇراما كومانداسىنان سۋردليمپيادالىق سپورت تۇرلەرى بويىنشا 59 سپورتشى قاتىسىپ جاتقانى بەلگىلى.
مينيسترلىكتىڭ مالىمەتىنشە, ۇلتتىق سۋردليمپيادا كوميتەتى قر زاڭناماسىنا قاراماستان, ءوز تاراپتارىنان جاريالاپ بىرقاتار سپورتشىنى, ونىڭ ىشىندە قانافين ەركەبۇلاندى جارىسقا اپارعان.
«قانافين ەركەبۇلان بۇرىن - سوڭدى ەستۋ قابىلەتى بۇزىلعان سپورتشىلار اراسىنداعى رەسمي جارىستارعا قاتىسپاعان. قازاقستان رەسپۋبليكاسى ۇلتتىق قۇراما كومانداسىنىڭ مۇشەسى ەمەس جانە دەنە مۇمكىندىكتەرى شەكتەۋلى جاندارعا ارنالعان سپورت ۇيىمدارىندا تىركەلمەگەن. مادەنيەت جانە سپورت مينيسترلىگىندە اۋديوگرامما ناتيجەلەرى جانە جالپى سپورتشىنىڭ دەنساۋلىق جاعدايى تۋرالى اقپارات جوق.
بۇعان قاراماستان ۇلتتىق سۋردليمپيادالىق كوميتەت ە.كانافيندى ءوز ەسەبىنەن جارىسقا جىبەرىپ, قازاقستاننىڭ بەدەلىنە الەمدىك سپورت قوعامداستىعىنىڭ الدىندا نۇقسان كەلتىردى جانە سپورتتىق ەتيكالىق قاعيدالاردى بۇزدى», دەلىنگەن حابارلامادا.
مادەنيەت جانە سپورت مينيسترلىگى ۇلتتىق قۇراما كوماندانىڭ ءتىزىمىن قالىپتاستىرۋ كەزىندە 81 كەلىگە دەيىنگى سالماق دارەجەسىندە سۋردو دزيۋدودان قازاقستان رەسپۋبليكاسى چەمپيوناتىنىڭ قورىتىندىسى بويىنشا ەل چەمپيونى ايدوس تۇگەلباەۆتى ەنگىزگەنىن ايتتى.
مينيسترلىك ۇلتتىق سۋردليمپيادا كوميتەتىنىڭ ۇستىنەن ارنايى سوت ورگاندارىنا شاعىم تۇسىرەتىنىن رەسمي تۇردە مالىمدەدى.
