سەنات توراعاسى ماۋلەن اشىمباەۆ 2022–2024 جىلدارعا ارنالعان رەسپۋبليكالىق بيۋدجەتكە وزگەرىستەر مەن تولىقتىرۋلار ەنگىزەتىن زاڭدى قاراۋ بارىسىندا وسىلاي دەدى. سەنات توراعاسى, رەسپۋبليكالىق بيۋدجەتتى قالىپتاستىرۋدا جاڭا تاسىلدەر كەرەكتىگىن ايتتى. بولىنەتىن قارجى مەن جوسپارلانعان جۇمىستىڭ ناتيجەسى ناقتى بولۋى ماڭىزدى. سوندىقتان بۇل ماسەلەنى دەپۋتاتتار باقىلاۋدا ۇستايتىن بولدى.
سونداي-اق ماۋلەن اشىمباەۆ, قازىرگى شىعىنداردى ۇلتتىق قوردان ەمەس, رەسپۋبليكالىق بيۋدجەتتەن قارجىلاندىرۋ كەرەك دەپ ەسەپتەيدى. ايتا كەتسەك, بۇگىنگى تۇزەتۋلەر اياسىندا ءساۋىر ايىنان باستاپ زەينەتاقى مەن الەۋمەتتىك تولەمدەر قوسىمشا 4 پايىزعا ارتادى. جالپى زەينەتاقىنىڭ ورتاشا مولشەرى وتكەن جىلمەن سالىستىرعاندا 11 پروتسەنتكە وسەدى.
«بيۋدجەتتى قالىپتاستىرۋ اشىق ءارى ءتيىمدى ءجۇرۋى ءتيىس. رەسپۋبليكالىق بيۋدجەتتىڭ ءار تەڭگەسى ورىنىمەن ءبولىنىپ, ءتيىمدى جۇمسالۋى ءتيىس. ۇلتتىق قوردىڭ دا قارجىسىن دۇرىس پايدالانعان ءجون. بيۋدجەت دەفيتسيتىن سىرتتان قارىز الىپ قارجىلاندىرۋ ماسەلەسىن دە پىسىقتاعان ابزال. قارىزدى كوبەيتە بەرمەي, بار قاراجاتتى دۇرىس پايدالانۋ قاجەت. سوندىقتان بيۋدجەتتى قاراعان كەزدە ناتيجە بەرمەيتىن ناۋقاندىق شارالاردى قارجىلاندىرۋعا جول بەرىلمەۋى كەرەك», دەيدى سەنات توراعاسى.
