«ىشكى ەكونوميكاداعى جاعداي وڭ بولىپ وتىر. بيىل ءبىرىنشى توقساندا جالپى ىشكى ءونىم 4,4%-عا ءوستى. ەكونوميكانىڭ 2021 جىلى 4%-عا ارتىپ, پاندەمياعا دەيىنگى دەڭگەيگە ورالعانىن اتاپ وتكەن ءجون. 2022 جىلعى ناۋرىزدا تاۋار اينالىمىنىڭ ءوسۋى جىلدىق ماندە 3,7%-عا دەيىن جەدەلدەدى», دەدى قر ۇلتتىق بانك توراعاسى.
ونىڭ مالىمدەۋىنشە, قازاقستاندا تۇتىنۋ كولەمىنىڭ ءوسۋى ينفلياتسياعا قىسىم كورسەتىپ وتىر. ينفلياتسيا وسى جىلعى ساۋىردە 13,2%-عا دەيىن جەدەلدەدى. اسىرەسە ازىق-ت ۇلىك تاۋارلارىنىڭ باعاسى قاتتى ءوسىپ, 17,9%-عا ارتتى. ازىق-ت ۇلىككە جاتپايتىن تاۋارلار باعاسىنىڭ ءوسىمى 11,1%-عا, اقىلى قىزمەتتەر باعاسىنىڭ ءوسىمى 8,9%-عا دەيىن جەدەلدەدى.
«پروينفلياتسيالىق قىسىمنىڭ وسۋىنەن ۇلتتىق بانك دەزينفلياتسيالىق اقشا-كرەديت ساياساتىن جۇرگىزىپ كەلەدى. 2022 جىلعى 24 اقپاندا ۇلتتىق بانك گەوساياسي جاعدايدىڭ ناشارلاۋىنا بايلانىستى قارجىلىق جانە ماكروەكونوميكالىق تۇراقتىلىقتى قامتاماسىز ەتۋ ءۇشىن بازالىق ستاۆكانى 13,5%-عا دەيىن كوتەردى. بازالىق مولشەرلەمە كوتەرىلگەن سوڭ, اقپاندا حالىقتىڭ تەڭگەدەگى سالىمدارى بويىنشا قازاقستاننىڭ دەپوزيتتەرگە كەپىلدىك بەرۋ قورى ۇسىناتىن شەكتى ستاۆكالار دا كوتەرىلدى», دەدى ۇلتتىق بانك توراعاسى.
سونىمەن قوسا, ۇكىمەتپەن بىرلەسىپ جەكە تۇلعالاردىڭ تەڭگەدەگى دەپوزيتتەرى بويىنشا رەسپۋبليكالىق بيۋدجەت ەسەبىنەن وتەماقى تولەۋدى كوزدەيتىن تەڭگەدەگى سالىمداردى قورعاۋ باعدارلاماسىن جاريالادى.
«ۇلتتىق بانك 25 ساۋىردە ەكونوميكانىڭ, ىشكى جانە سىرتقى سۇرانىستىڭ وڭ سەرپىنى كەزىندە جالعاسىپ وتىرعان فيسكالدىق ىنتالاندىرۋ اياسىندا بازالىق ستاۆكانى 14%-عا دەيىن كوتەردى. ينفلياتسياعا قارسى ساياساتتى كۇشەيتۋ ءۇشىن ۇكىمەت ۇلتتىق بانكپەن بىرلەسىپ, بيىلعى اقپاننان باستاپ 2022-2024 جىلدارعا ارنالعان ينفلياتسيانى باقىلاۋ جانە تومەندەتۋ جونىندەگى جاڭارتىلعان شارالار كەشەنىن ىسكە اسىرۋدا», دەيدى ءپىرماتوۆ.
