قازاقستان • 04 مامىر، 2022

قارۋلى كۇشتەر تۋرالى قۇندى قۇجاتتار

248 رەت كورسەتىلدى

مازمۇنى ۇلتتىق يدەيامەن ورىلگەن ءاربىر مەملەكەتتىك ستراتەگيالىق قۇجاتتا اسكەري قاۋىپسىزدىك ماسەلەسى قاشاندا باسىمدىققا يە بولىپ كەلەدى. ۇلتتىق قاۋىپسىزدىكتىڭ ماڭىزدى قۇرالى سانالاتىن سالا جۇمىسىن كوپشىلىككە تانىس­تى­رۋ ماقساتىمەن قازاقستان رەسپۋبليكاسىنىڭ ۇلتتىق مۋزەيىندە قازاقستان رەسپۋبليكاسى پرەزيدەنتىنىڭ ءارحيۆى مەن قازاقستان رەسپۋبليكاسى قارۋلى كۇشتەرىنىڭ اسكەري-تاريحي مۋزەيى بىرلەسىپ، قارۋلى كۇشتەردىڭ قۇرىلۋىنىڭ 30 جىلدىعىنا وراي «قۋاتتى ارميا – قۋاتتى قازاقستان» اتتى تاريحي-قۇجاتتىق كورمە ۇيىمداستىردى.

كورمەدە 1992 جىلى 7 مامىردا قازاقستان پرەزيدەنتىنىڭ جارلىعىمەن قۇرىلعان قازاقستان قارۋلى كۇشتەرىنىڭ 30 جىلداعى جەتىستىكتەرى تۋرالى قۇندى قۇجاتتار جانە قۇرىلىمدىق جاڭعىرۋ جو­لىن­داعى اسكەري قىزمەتتىڭ بەدەلى مەن قۋا­تىن سيپاتتايتىن ماكەتتەر كوپشىلىككە نازارىنا ۇسىنىلدى.

ءىس-شاراعا قاتىسۋشىلاردى قۇتتىق­تاعان قورعانىس ءمينيسترىنىڭ ورىن­باسارى سۇلتان كامالەتدينوۆ كورمەدە قازاقستان ارمياسىنىڭ قۇرىلۋ تاريحى جانە ونىڭ تۇرلەرى مەن قىزمەتتەرىنىڭ، بىتىمگەرشىلىك شارالاردان العان تاجىريبەلەرىنىڭ ەكس­پو­ناتت­ىق ماتەريالدارى ۇسىنىلعانىن اتاپ ءوتتى. ونىڭ ايتۋىنشا، كورمە بارىسىندا وتان­دىق اسكەري تەحنيكالارمەن، اسكەري كيىمدەرمەن جانە ءتۇرلى ەكيپيروۆ­كا­لار­مەن، سونداي-اق اسكەري زاماناۋي تەح­نو­لوگيالار­مەن تەرەڭىرەك تانىسۋدىڭ مۇم­كىندىگى زور.

كورمەنىڭ اۋقىمدىلىعىن ءارى كاسىبي دەڭ­گەيدە جان-جاقتى قامتىلۋىن ۇيىم­داس­تىرعان قازاقستان رەسپۋبليكاسى پرە­زيدەنتى ءارحيۆىنىڭ ديرەكتورى ءاليا مۇس­تافينا ەلىمىزدىڭ قاۋىپسىزدىگى مەن بەيبىت ءومىرىن قورعاپ وتىرعان وتان قورعاۋ­شى­لار­عا العىسىن بىلدىرە وتىرىپ، قارۋلى كۇش­تەر­دىڭ 30 جىلدىق مەرەيتويىمەن قۇت­تىقتادى. ءوز سوزىندە ارحيۆ ديرەكتورى قارۋلى كۇشتەرىنىڭ اسكەري-تاريحي مۋزەيى­مەن بىرلەسە دايىنداعان «قازاقستان رەس­پۋبليكاسىنىڭ قارۋلى كۇشتەرى. 1991-2001: قۇ­جاتتار مەن ماتەريالدار» جي­­­ناعىنا ەنگەن قارۋلى كۇشتەردىڭ قۇ­رى­لۋى، دامۋ كەزەڭدەرىنە قاتىستى ار­حيۆ­­تىك قۇجاتتاردىڭ ماڭىزدىلىعىنا توق­­­تالىپ ءوتتى. تاريحي دەرەكتەر مەن جادى­گەرلەردى ساقتاۋ جانە ونى قاجەتتى دەڭ­گەيدە نا­سيحاتتاۋ ماقساتىندا ارحيۆ پەن مۋ­زەيدىڭ جۇمىسىنىڭ ورتاق ەكەنىن ەسكەرگەن ارحيۆ ديرەكتورى وسى باعىتتا قازاق­ستان قارۋلى كۇشتەرىنە قا­تىستى كەزەڭ­دەرگە بولىنگەن قۇندى قۇجات­تار­دان قۇرالعان جيناقتاردى ودان ءارى جارىققا شى­عارۋعا ءازىر ەكەنىن جەتكىزدى. ارحيۆ ديرەكتورى ءاليا مۇستافينا مە­رەي­تولىق مەرەكە قارساڭىندا شارانى وتكىزۋگە قولداۋ بىلدىرگەن قازاقستان ۇلت­تىق مۋ­زەيىنىڭ ديرەكتورى ارىستانبەك مۇ­حا­مەدي ۇلىنا العىسىن ءبىلدىرىپ، ەرلىك، رۋح پەن نامىس بىرەگەيلىگىن ەڭسەرگەن اسكە­ري قىزمەتشىلەردىڭ يگىلىكتى ەڭبەگىن جا­ريا­لاۋعا جاۋاپتى مەكەمەلەردىڭ مىندەتى زور ەكەنىن ايتتى.

مەملەكەتتىڭ جازبا تاريحىن قالىپتاس­تى­راتىن ماڭىزدى مەكەمە ءارحيۆتىڭ ۇلت­تىق رۋحتى كوتەرەتىن مارتەبەلى داتا اياسىندا ۇيىمداستىرعان بۇل كورمەسىندە جاۋىنگەرگە شىنايى قۇرمەت كورسەتۋ، با­بالار اماناتى – وتان انانى سىرتقى كۇش­تەن قورعايتىن اسكەري قۇرىلىمداردىڭ قىز­مەتىن تانىستىراتىن جادىگەرلەرى كوپ­شى­لىكتىڭ قىزىعۋشىلىعىن تۋعىزاتىنى انىق.

كورمەنىڭ تاۋەلسىزدىك تاريحىنداعى تەڭدەسى جوق تەرەڭ ءتالىمىن اتاپ ءوتىپ، «قا­زاقستان رەسپۋبليكاسىنىڭ قارۋلى كۇش­تەرى. 1991-2001 جج.» قۇجاتتىق جينا­عىن تانىستىرعان قورعانىس ءمينيسترى­نىڭ كەڭەسشىسى ايگۇل تولەمباەۆا بارلىق اسكەري ۇيىمنىڭ نەگىزىنە اينال­عان­ با­عالى قۇجاتتار، سونىڭ ىشىندە ما­تىن­دەر، العاشقى قورعانىس ءمينيسترى س.نۇر­ما­عامبەتوۆتىڭ ستراتەگيالىق يادرولىق قا­رۋ­لاردى زالال­سىز­داندىرۋ جانە ولاردى رەسەيگە تاپ­سىرۋ جونىندەگى ەڭبەكتەرى، تاعى دا باسقا قولباسشىلاردىڭ جارىق كورمەگەن حات الماسۋلارى ەنگىزىلگەن شى­نايى تۇپ­نۇس­قالار جيناقتالعان كى­تاپ­تىڭ جارىققا شىعۋىنا سەبەپكەر بول­عان قازاقستان رەسپۋبليكاسى پرەزيدەنتى ارحيۆىنە العى­سىن ءبىلدىردى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار