«6 مامىردا ەلورداداعى «قازاقستان» كونتسەرت زالىندا مەملەكەت باسشىسى قاسىم-جومارت توقاەۆتىڭ قاتىسۋىمەن مەرەكەلىك كونتسەرت وتەدى. وندا پرەزيدەنت ارداگەر اسكەري قىزمەتشىلەردى, قاتارداعى اسكەري قىزمەتكەرلەردى, سونداي-اق, بارشا قازاقستاندىقتاردى مەرەكەمەن قۇتتىقتايدى. سونىمەن قاتار ەلىمىزدىڭ بارلىق وڭىرىندە جەڭىس كۇنىنە وراي «قۇرمەت» مەموريالدى مونۋمەنت الدىنا گۇل شوقتارى قويىلىپ, قۇرمەت كورسەتۋ جوسپارلانۋدا», دەدى قازاقستان قارۋلى كۇشتەرى باس شتابى باسشىسىنىڭ ورىنباسارى, تاربيە جانە يدەولوگيالىق جۇمىس جونىندەگى دەپارتامەنت باسشىسى, گەنەرال-مايور سەرىك بورانباەۆ.
ونىڭ ايتۋىنشا, 7 جانە 9 مامىر كۇندەرى وتەتىن ءىس-شارالار وسكەلەڭ ۇرپاقتى پاتريوتتىق تاربيەلەۋگە, ۇرپاقتار ساباقتاستىعىن قامتاماسىز ەتۋگە جانە وتان ءۇشىن قازا تاپقانداردىڭ ەرلىگىن ەستە ساقتاپ, تاعزىم ەتۋگە باعىتتالعان.
«سونداي-اق مەملەكەت باسشىسنىڭ قاتىسۋىمەن 9 مامىردا نۇر-سۇلتان قالاسىنداعى «وتان قورعاۋشىلار» مونۋمەنتىنە گۇل شوعىن قويۋ ءراسىمى وتەدى. اتالعان ءداستۇر ەلىمىزدىڭ بارلىق وڭىرىندە ۇيىمداستىرىلادى», دەدى ول.
