ۇتىلىستان ۇتارىمىز كوپ

كەشە ورتالىق كوممۋنيكاتسيالار قىزمەتىندە ۇلتتىق كاسىپكەرلەر پالاتاسى باسقارما توراعاسى­­­نىڭ ورىنباسارى راحىم وشاقباەۆ پەن «قايتالاما مەتاللۋرگيا ونەركاسىپشىلەرىنىڭ رەسپۋبليكالىق وداعى» قاۋىمداستىعىنىڭ توراعاسى ۆلاديمير دۆورەتسكي بريفينگ وتكىزدى. ءباسپاسوز ءماسليحاتىندا وتان­دىق كاسىپكەرلەردىڭ ەۋرازيا­­­لىق ەكونوميكالىق وداقتا قالاي جۇمىس ىستەيتىندىگى تۋرالى اڭگىمەلەندى. ءبىرتۇتاس ەكونوميكالىق كەڭىس­تىكتە قازاقستاندىق بيزنەستىڭ باسەكەلەستىككە توتەپ بەرەرلىك مۇمكىندىگى دە ءسوز بولدى. وسى ارا­دا, پالاتا باسقارماسى توراعا­سىنىڭ ورىنباسارى كاسىپكەرلەر ەۋرازيالىق ەكونوميكالىق وداق­تىڭ جاقتاۋشىسى ەكەنىن ايتا وتىرىپ, شارتتىڭ كەيبىر تۇستارىن ءالى دە جەتىلدىرە ءتۇسۋ كەرەكتىگىنە نازار اۋداردى. ءسويتىپ, جۋرنا­ليستەرگە «كەلىسىمدەردى جەتىلدىرۋ تۋرالى ۇسىنىستارىمىز بەن ەكونوميكالىق ينتەگراتسياعا دەگەن كوزقاراستارىمىزدى شاتاس­­تىرىپ الماۋلارىڭىزدى وتىنەمىن», دەدى. ۇسىنىس ايتۋ, پىكىر تالاس­تىرۋ كادىمگى جۇمىس ۇدەرىسى ەكەنىن ايتتى. قازاقستان, رەسەي, بەلارۋس ەلدە­رىنىڭ ەۋرازيالىق ەكونو­مي­كا­لىق وداق قۇرۋ جونىندەگى شارتىنىڭ سوڭعى نۇسقاسى ۇلتتىق كاسىپكەرلەر پالاتاسىنىڭ سايتىندا بىرەر كۇندە جاريالاناتىن كورىنەدى. «كەلەسى ايدىڭ سوڭى­­نا تامان ەۋرازيالىق ەكونوميكالىق وداق قۇرۋ تۋرالى شارتقا قول قويىلادى. ءسويتىپ, كەلىسىم الداعى جىل­دىڭ ءبىرىنشى قاڭتارىنان كۇشىنە ەنەدى. وسىلاي, ەۋرازيا­لىق ينتەگراتسيا ءوزىنىڭ كەلەسى كەزەڭىنە قادام باساتىن بولادى», دەدى ر.وشاقباەۆ. ونىڭ ايتۋىنا قاراعاندا, قازاق­ستاننىڭ بيزنەس-قاۋىمداستىعى ۇلتتىق كاسىپكەرلەر پالاتا­سى­نىڭ پىكىر الماسۋ الاڭى ارقىلى وسى شارتتى جاساۋدا قازاق­ستان­دىق ۇستانىمدى ناقتىلاۋعا بەلسەندى تۇردە تارتىلىپتى. ۇلتتىق كاسىپكەرلەر پالاتاسى بىلتىرعى كۇز ايلارىنان بەرى ءوز سايتىندا شارتتىڭ ماڭىزدى نۇسقالارىن جاريا­لاپ كەلەدى ەكەن. ءدال وسى ۋاقىتتا شارتتىڭ بەس نۇسقاسى ورنالاستىرىلعان. ەندى القانىڭ قورىتىندى كەڭەسىنىڭ الدىندا, شارتتىڭ سوڭعى نۇسقاسى بىرەر كۇندە دايىندالىپ بولىپ, ول دا پالاتا سايتىندا جاريالانادى. وسىدان كەيىن بارلىق كاسىپكەرلەر, قاۋىمداستىقتار قۇجاتتى زەرتتەپ, زەردەلەپ, ءوز ۇسى­نىستارىن ايتۋعا مۇمكىندىك تۋماق. مۇنى دا باسقارما ءتور­­اعا­سى­نىڭ ورىنباسارى ايتتى. سون­داي-اق, ەكونو­ميكالىق وداق اياسىن­دا قازاق­ستاننىڭ شاعىن جانە ورتا بيز­نەسى وركەندەي تۇسەتىنىن دە زور سەنىممەن تىلگە تيەك ەتتى. «ءبىز ەكونوميكالىق ىقپالداستىقتىڭ بەلسەندى جاقتاۋشىلارىمىز. ونى قۇرۋ بارىسىندا ۇكىمەتكە بيزنەستىڭ قۇقىقتارىن ساقتاۋعا باعىتتالعان ۇتىمدى تەتىكتەردى ۇسىنىپ ءجۇرمىز. ينتەگراتسياعا كۇمان كەلتىرۋدىڭ كەرەگى جوق. ويتكەنى, بۇل يگىلىگى مول شارا. ونىڭ ەڭ باستى پايداسى – قازاقستاندىق كاسىپكەرلەرگە 170 ميلليوندىق نارىققا جول اشىلادى. ول ءبىزدىڭ نارىقتان ون ەسە ۇلكەن ەكەنى ايتپاسا دا تۇسىنىكتى», دەدى ر.وشاقباەۆ. ءۇش ەل اراسىنداعى بۇل ءارىپ­تەستىكتە قازاقستاننىڭ ۇستا­نىم­دارى وتە ۇتىمدى كورىنەدى. ماسە­لەن, قازاقستان رەسەي مەن بەلارۋس ەلدەرىنە قاراعاندا, بيزنەس-احۋال جا­­­عىنان وزىق تۇر. ونى كوپتەگەن ساراپشىلار مويىنداعان. ناقتى دالەلى, ءبىزدىڭ ەلدە سالىق دەڭگەيى تومەن. وعان قوسا, جەكەمەنشىك قۇقىق­تارى قاتاڭ ساقتالادى. سونداي-اق, بىزدە بيزنەسكە قاجەتتىڭ بارىنە قولجەتىمدى. تاياۋدا قابىل­دان­عان زاڭناما بويىنشا كەز كەلگەن كاسىپكەرلىك سۋبەكتىسى ۇكىمەتكە ءوز ۇسىنىسىن جولداي الادى. مۇنداي جاعداي رەسەي­دە دە, بەلارۋستە دە جوق. وسىنىڭ ارقاسىندا, قا­زاق­ستان ارىپتەستەرىنە قاراعاندا, ەۋرا­زيالىق ەكونوميكالىق وداق ­اياسىندا باسەكەلەستىككە توتەپ بەرە الارى انىق, دەيدى باسقارما توراعاسىنىڭ ورىنباسارى. مۇ­نىمەن بىرگە, ءبىزدىڭ ەلگە ينۆەستيتسيالار مەن كاسىپكەرلەردى تارتۋعا دا بارلىق قولايلىلىقتار جاسالىپتى. وسى يگىلىكتىڭ ءبارىن ەكشەي كەلىپ, ىقپالداستىقتان تۇسەتىن ەكونوميكالىق پايدانى جوققا شىعارماۋىمىز كەرەكتىگىنە نازار اۋداردى. نۇرباي ەلمۇراتوۆ, «ەگەمەن قازاقستان».