1 مامىردان باستاپ ەلوردانىڭ 4 اۋدانى بويىنشا بىرنەشە سۋبۇرقاق ىسكە قوسىلدى. اتاپ ايتقاندا, «اق وردا» سۋبۇرقاعى, مينيسترلىكتەر ءۇيى جانىنداعى «شارشى جانە بي» مەن «نۇرجول» بۋلۆارداعى «مۋزىكالىق» فونتانى. سونىمەن قاتار, «قازمۇنايگاز» عيماراتى ماڭىنداعى «دوڭگەلەك», «كاسكاد», «كيت» جانە «عاشىقتار ساياباعىنداعى» «كولەسو ي پودكوۆا» سۋبۇرقاقتارى بار. «حان شاتىر» ساۋدا جانە ويىن-ساۋىق ورتالىعى ماڭىندا جاسىل ورامدا, يسلام مادەني ورتالىعى اۋدانىندا, «استانالىق تسيرك» جانە «قۇرمانعازى» ەسكەرتكىشى قاسىندا سۋبۇرقاقتار ىسكە قوسىلدى. ودان بولەك, «استانالىق» ساياباعىندا, ديپلوماتيالىق قالاشىعىندا, «جەتىسۋ» ساياباعىندا, بوكەيحان كوشەسى بويىنداعى «ەڭبەكشىلەر» سكۆەرى مەن ەسىل وزەنى بويىنداعى ساياباقتا جانە «سارقىراما», جەلىلىك ساياباعىندا, EXPO – 2017, «25 جىلدىق» ساياباعىندا, «تويقازان» مۋزىكالىق سول سياقتى بوتانيكالىق باقتاعى سۋبۇرقاق ەلوردا جۇرتى ءۇشىن جاز بويى قىزمەت ەتەدى. قالا ءسانىن كىرگىزگەن سۋبۇرقاقتاردىڭ سانى جاعىنان ەسىل اۋدانى الدا.
