«مەملەكەت باسشىسى قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ شەڭبەرىندە ءاربىر اكىمدىك جۇمىستىڭ جاڭا سەرۆيستىك مودەلىنە كوشتى. 4 وبلىستىق ماڭىزى بار قالا, 15 اۋدان جانە 23 اۋداندىق ماڭىزى بار قالا, كەنت, اۋىلدىق وكرۋگتەردە «اشىق اكىمدىك» كەڭسەلەرى اشىلدى. بۇل جۇمىستار ءساتتى جۇزەگە اسىرىلدى دەۋگە بولادى. قازىرگى تاڭدا بارلىق كەڭسەلەر ازاماتتارعا ء«بىر تەرەزە» قاعيداتى بويىنشا قىزمەت كورسەتەدى», دەيدى شقو اكىمى اپپاراتىنىڭ №4 ۇلگىلىك بازالىق باعىتى بويىنشا جوبا اكىمشىسى دۋمان كەنجەعازين.
وبلىستاعى بارلىق قالا, اۋدانداردا اكىمدەردىڭ سىبايلاس جەمقورلىق ماسەلەلەرى بويىنشا شتاتتان تىس كەڭەسشىلەرى تاعايىندالىپ, تۇرعىندارمەن بايلانىس كۇشەيتىلدى.
وسى ۋاقىتقا دەيىن ءتۇرلى سالالار بويىنشا جەمقورلىقتىڭ الدىن الۋعا باعىتتالعان 3,5 مىڭعا جۋىق قوعامدىق مونيتورينگ جۇرگىزدى. ونىڭ قورىتىندىسى بويىنشا جاۋاپتى مەملەكەتتىك ورگاندارعا 3 مىڭنان استام ۇسىنىستار بەرىلگەن. بۇگىنگى تاڭدا بۇل ۇسىنىستاردىڭ 93%-دان استامى ورىندالدى.
وبلىس بويىنشا سىبايلاس جەمقورلىققا قارسى مادەنيەت قالىپتاستىرۋ جانە پروفيلاكتيكالىق شارالار جۇرگىزۋ ءۇشىن 182 مەملەكەتتىك مەكەمەنىڭ ۇجىمىمەن جانە 89 ەلدى مەكەن حالقىمەن كەزدەسۋلەر ۇيىمداستىرىلعان.
«شىعىس - ادالدىق الاڭى» جوبالىق كەڭسەسى 2019 جىلى قۇرىلعان. ەندىگى كەزەكتە جۇمىسىن توقتاتىپ, قىزمەتىن جوبالىق باسقارۋدىڭ ۇلگىلىك بازالىق باعىتىنا سايكەس جالعاستىرادى.
ايانا توعانبەك
