اقمولا وبلىسىنىڭ اۋداندارىن سۋ باسىپ جاتىر

اقمولا وبلىسى اتباسار قالاسىنىڭ 330 ءۇيى قاردىڭ ەرىگەن سۋىنىڭ تاسقىنىنا ۇشىرادى. بۇل تۋرالى ايماق توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساعان Tengrinews.kz حابارلادى. توپان سۋدىڭ سالدارىنان 256 ادام ۇيلەرىنەن كوشىرىلىپ, قالاداعى ورتا مەكتەپتەر ۇيلەرىنە جايعاستىرىلدى. قازىر اۋداندا قار سۋىنىڭ احۋالىن باقىلاپ تۇراتىن بەس بەكەت قۇرىلىپ, جۇمىس جاساۋدا. وسىمەن ءبىر مەزگىلدە سۋدى باسقا جاققا ايداۋ قولعا الىندى. «جولداردىڭ توعاندارى الىپ تاستالىپ جاتىر, بۇل قالادا سۋ دەڭگەيىنىڭ تومەن تۇسۋىنە اسەر ەتۋدە. قار سۋى سۋ اعار تۇربالارمەن ارىقتار ارنالارىنا جىبەرىلىپ جاتىر», - دەلىنگەن ءباسپاسوز پاراقشاسىندا. وبلىستىڭ استراحان اۋدانىندا ەكى ءۇي قاردىڭ سۋى استىندا قالدى. ولاردا تۇراتىن 9 ادام كوشىرىلدى. ال تسەلينوگراد اۋدانىندا 46 ۇيگە تاسقىن سۋ تاپ بەردى. ولارداعى 96 ادام ەۆاكۋاتسيا جاسالدى. شورتاندى اۋدانىندا قۇتقارۋشىلار جەرگىلىكتى پلوتينانىڭ اينالما تۇربالارىن تاسقىننىڭ بۇزىپ كەتۋ قاۋپى بار ەكەنىن ايتادى. «قازىرگى تاڭدا توعان كوتەرىلدى, ءسويتىپ, پلوتينا سۋىنىڭ دەڭگەيى 40 سانتيمەترگە ءتۇستى. ۇيلەردەن 96 ادام باسقا جاقتارعا كوشىرىلدى», - دەلىنگەن حابارلامادا. مۇرات ايتقوجا. دەرەككوز: Tengrinews.kz. فوتو: Tengrinews.kz.