مەملەكەتتىك قىزمەتتى ۇيلەستىرۋشى كەڭەس قۇرىلدى

قازاقستان رەسپۋبليكاسى پرەزيدەنتىنىڭ «قازاقستان رەسپۋبليكاسىنىڭ مەملەكەتتiك قىزمەتشiلەرiن دايارلاۋ, قايتا دايارلاۋ جانە ولاردىڭ بiلiكتiلiگiن ارتتىرۋ قاعيدالارىن بەكىتۋ تۋرالى» № 1457 جارلىعىنا سايكەس مەملەكەتتىك قىزمەت ىستەرى اگەنتتىگى توراعاسىنىڭ بۇيرىعىمەن مەملەكەتتىك قىزمەتشىلەردى دايارلاۋ, قايتا دايارلاۋ جانە ولاردىڭ بىلىكتىلىگىن ارتتىرۋدى ۇيىمداستىرۋدى جەتىلدىرۋ بويىنشا ۇيلەستىرۋ كەڭەسى قۇرىلدى. بۇل تۋرالى اگەنتتىكتىڭ ءباسپاسوز قىزمەتى حابارلادى. ۇيلەستىرۋ كەڭەسىنىڭ قۇرامىنا اگەنتتىكتىڭ, پرەزيدەنت جانىنداعى مەملەكەتتىك باسقارۋ اكادەمياسىنىڭ وكىلدەرى, مەملەكەتتىك ورگانداردىڭ جاۋاپتى حاتشىلارى, وبلىس, قالالار جانە اۋداندار اكىمدەرى اپپاراتتارىنىڭ جەتەكشىلەرى, وڭىرلىك وقىتۋ ورتالىقتارىنىڭ ديرەكتورلارى ەندى. ۇيلەستىرۋ كەڭەسىنىڭ ءبىرىنشى وتىرىسى بيىلعى 10 ساۋىردە بولىپ ءوتتى. كەڭەستىڭ نەگىزگى مىندەتى مەملەكەتتىك قىزمەتشىلەردى وقىتۋ ماسەلەلەرى بويىنشا زاڭنامالاردى جۇزەگە اسىرۋ تەتىكتەرىن قۇرۋ جانە جەتىلدىرۋگە باعىتتالعان كەلىسىلگەن ۇسىنىستار ازىرلەۋ, مەملەكەتتىك قىزمەتشىلەردى وقىتۋ ماسەلەلەرى بويىنشا مەملەكەتتىك ورگانداردىڭ, ءبىلىم بەرۋ ۇيىمدارىنىڭ ءوزارا ارەكەتتەرى مەن ارىپتەستىكتەرىن ۇيلەستىرۋ بولىپ تابىلادى. اگەنتتىك توراعاسىنىڭ ورىنباسارى ءا.كومەكباەۆ توراعالىق ەتكەن وتىرىستا مەملەكەتتىك قىزمەتشىلەردى ورتالىق جانە وڭىرلىك دەڭگەيدە وقىتۋ ماسەلەسى جان-جاقتى قاراستىرىلدى. ماسەلەنى تالقىلاۋعا قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ رەكتورى ب.س.ءابدىراسىلوۆ, قازاقستان رەسپۋبليكاسى ستاتيستيكا اگەنتتىگى توراعاسىنىڭ ورىنباسارى ا.اشۋەۆ, ءووو-نىڭ باسشىلارى گ.يسەنوۆا, ر.قابدۋللينا, ل.ەگەمبەرديەۆ, مەملەكەتتىك ورگانداردىڭ پەرسونالدى باسقارۋ قىزمەتىنىڭ باسشىلارى قاتىستى. ۇيلەستىرۋ كەڭەسى وتىرىسىنىڭ ناتيجەسى بويىنشا ءتيىستى ۇسىنىمدار قابىلداندى. ساكەن مايلىباي. دەرەككوز: مەملەكەتتىك قىزمەت ىستەرى اگەنتتىگى ءباسپاسوز قىزمەتى.