دەنەسىن قابىرشىق باسقان قىزىلوردالىق 5 جاسار بالاعا ەم كەرەك

قىزىلوردادا دەنەسىنىڭ 90 پايىزىن قابىرشىق باسىپ كەتكەن 5 جاسار جاسۇلان قورعانبەك ەسىمدى بالانىڭ اتا-اناسى ونى ەمدەتۋگە اقشا تابا الماي وتىر. بۇل تۋرالى كتك تەلەارناسى حابارلادى. اناسىنىڭ ايتۋىنشا, بالاسى ومىرگە كەلگەندە, دەنەسىن كۇيىك شالعانداي بولىپ تۋعان. مىنە, سودان بەرى بالااقي وسى اۋرۋدىڭ ازابىن تارتىپ كەلەدى. دارىگەرلەر ونىڭ يحتيوز اۋرۋىنا شالدىققانىن ايتادى. ول جامان  ناۋقاس مەڭدەگەن قازاقستانداعى جالعىز بالا. اتا-اناسى ونىڭ نەدەن بولعانىن بىلمەيدى. بىراق تۋا-ءبىتتى وسىنداي. دارىگەرلەر بۇل تۇقىم قۋالايدى دەگەن. ايتكەنمەن, وتباسىندا وندايعا شالدىققان جان جوق. ءبىزدىڭ ەلدە كوپشىلىككە تۇسىنىكسىز دەرتتىڭ ەمى جوق. الماتىدا قوسىمشا ەم قابىلداعان. بىراق قايران  بولمادى  دەيدى اناسى. سوندىقتان, ۇيدە وزدەرى كۇتىپ, باعۋدا. ال, شەتەل اسىپ, شيپا ىزدەۋگە قاراجاتى تاعى جوق. قايعىدان قان جىلاعان انانىڭ ءبىر عانا ارمانى جاسۇلاندى شەتەلدىك دارىگەرلەرگە كورسەتۋ بولىپ وتىر. «جانىنا باتقان جارادان قينالعاندىعىن بىلدىرگىسى كەلمەيدى بالا. وتە كوڭىلدى, العىر. ارتىنان ەرگەن ءىنى, قارىنداسىمەن اسىر سالىپ ويناپ ءجۇر. بىزبەن دە ەش جاتىرقاماي, تىلدەستى. ءوز قاتارلاستارىنان ويىنىڭ وزىقتىعى بايقالادى. جاسى 5-كە ەندى تولاتىنىنا قاراماستان, ءتۇرلى تاقپاقتاردى جاتقا ايتادى», - دەيدى ارنا ءتىلشىسى. جاسۇلان قازىر تاقپاق ايتىپ, دومبىرا شەرتەدى ەكەن. ءسۇپ-سۇيكىمدى ءسابيدى وسى كۇنگە دەيىن قوعام شەتتەتىپ كەلدى. دەنەسىن كورىپ, بالاباقشالار دا بۇل بالادان باس تارتتى. سودان بولار, اناسى بالانى كوپ دالاعا شىعارمايدى. قوعامنان قاعاجۋ كورگەن  بالاقايدىڭ ارماندارى دا ۇلكەن. ەكى اياعىمدى قاتارلاستارىممەن تەڭ باسىپ جۇرسەم, مەكتەپكە بارسام دەيدى. جازدى كۇندەرى ءتۇندى كىرپىك ىلمەي اتىردى. ويتكەنى ىستىقتا مىنا دەنەدەگى جارا قۇتىرىپ, بالانىڭ تەرىسى كيىمگە دە, جاتقان جايماعا دا جابىسىپ قالاتىن. سودان اكە مەن شەشە كەزەك كۇزەتىپ, بالانىڭ اياق قولىن كوتەرىپ, دەمەپ, جايماعا جابىسىپ قالماۋىن قاداعالادى. جاسۇلان تۋرالى جالپاق جۇرتتىڭ بىلە باستاعانىنا ءبىر ايداي بولدى. وتاندىق ماماندار بۇل دەرتتىڭ ەمدەلمەۋ مۇمكىن ەكەنىن ايتىپ وتىر. دەگەنمەن, ازەربايجان مەن يزرايلدە اۋرۋىن باسۋعا كومەكتەسەتىن ەم تاسىلدەرى بار كورىنەدى. تەك ونىڭ ءاربىر قابىلداۋى 8 ميلليون تەڭگە. ال ونداي اقشا جاس وتباسىدا جوق. سوندىقتان جاسۇلاننىڭ جاقىندارى كوپتەن كومەك سۇراۋعا ءماجبۇر. قولۇشىن بەرۋگە نيەتتىلەردىڭ ەكراندا كورسەتىلگەن نومىرگە حابارلاسۋىنا بولادى. مۇرات ايتقوجا. دەرەككوز: كتك. فوتو: كتك.   بايلانىس تەلەفونى: (كارتوچكاعا اۋدارۋ ءۇشىن) KZ886010 00 200 548 41 11 «حالىق بانكى», +7 702 884 44 37, +7 701 606 31 83. تەلەفوندارى: اناسى ءۇلبيبى ىقىلاسوۆا +7 702 884 44 37; اكەسى: +7 701 606 31 83; اتاسى: +7 777 783 83 10.