Telegram-بوتتار قازاق جانە ورىس تىلىندە قول جەتىمدى.
«Telegram-بوتتا جاستار اراسىنداعى وزەكتى الەۋمەتتىك ماسەلەلەر, جاستار باستامالارىن قولداۋ, وسى باستامالاردى ىسكە اسىرۋعا باعىتتالعان گرانتتار, جاستاردى يگى ىسكە تارتۋ, جاستار ءۇشىن ءتۇرلى باعىتتاعى جوبالار بويىنشا جاڭارتىلعان اقپاراتپەن تانىسۋعا بولادى», دەپ ءتۇسىندىردى «استانا جاستارى» جرو باسشىسىنىڭ ورىنباسارى ايان ەرمەنتاەۆ.
ايتا كەتەيىك, «استانا جاستارى» جرو جاستار ساياساتىن جۇزەگە اسىرۋدىڭ كەلەسى باعىتتارى بويىنشا 14-29 جاس ارالىعىنداعى جاستارمەن جۇمىس ىستەيدى:
- NEET ساناتىنداعى جاستارمەن جۇمىس, اتاپ ايتقاندا, تۇراقتى جۇمىسى جوق, قانداي دا ءبىر وقۋ ورنىندا وقىمايتىن, ازاماتتىق ساياسي بەلسەندىلىگى تومەن جاستاردىڭ سانىن ازايتۋ, جۇمىسپەن قامتۋعا جاردەمدەسۋ;
- ۆولونتەرلىك قوزعالىستى دامىتۋ, ونىڭ ىشىندە جاستاردىڭ جەكە دامۋىنا ۇلەس قوساتىن, ەلدىڭ دامۋىنا ىقپال ەتەتىن ءتۇرلى مادەني-بۇقارالىق, الەۋمەتتىك, ەكولوگيالىق ءىس-شارالارعا بەلسەندى قاتىساتىن ۆولونتەرلەردى قالالىق شتابقا تارتۋ;
- اۋلا كلۋبتارىن دامىتۋ, ەلوردادا 14-29 جاس ارالىعىنداعى جاستاردىڭ ۋاقىتىن ءتيىمدى پايدالانۋ, سپورتتا, ونەردە, قولونەردە شىعارماشىلىق جەتىستىكتەرگە جەتەلەيتىن ۇيىرمەلەردىڭ جۇمىسىن جاقسارتۋ;
- زاڭگەرلىك جانە كادرلىق جۇمىستارعا كومەك كورسەتۋ, وسى ماسەلەدە قيىندىقتارعا تاپ بولعان جاستارعا تەگىن كەڭەس بەرۋ جانە قولداۋ كورسەتۋ;
- جاستار باستامالارىن قولداۋ شەڭبەرىندەگى جوبا نەگىزىندە جاستاردىڭ كرەاتيۆتى, پايدالى ويلاۋىن قولداۋ.
ايانا توعانبەك
