جاڭا جۋرنال

ماڭعىستاۋدا جاڭا جۋر­­­نالدىڭ تۇساۋى كەسىلدى. اتاۋى – «شەرقالا». قازاق دالاسىنىڭ گەوگرافياسى مەن تاريحىنان حابارى بار جان ەستىمەي قالۋى مۇمكىن ەمەس ماڭعىستاۋداعى كادىمگى شەرقالا تاۋى. مادەني-تاريحي, ادەبي-كوركەمدىك جۋرنالدىڭ باعدارشامى, ياعني ايتپاعى – حالقىمىزدىڭ سالت-ءداستۇرىن ناسيحاتتاۋ, اعا بۋىننىڭ ونەگەلى جولىن جاس ۇرپاققا ۇلگى ەتۋ, تاريحتى ءتىرىلتىپ, رۋحاني تۇرعىدا جاس­تار تاربيەسىنە اتسالىسۋ, تاۋەل­سىزدىك تۇعىرىن نىعايتۋعا اقپا­راتتىق تۇرعىدا ۇلەس قوسۋ. تۇساۋكەسەر سالتاناتىنا قا­تىسقان ايماق باسشىسى ا.اي­دارباەۆ جۋرنالدىڭ ەلباسى ن.نازارباەۆتىڭ «مادەني مۇرا» باعدارلاماسىنىڭ وڭىرلىك جوباسى اياسىندا جاسالىنعان جاقسى دۇنيەلەردىڭ ءبىرى ەكەنىن ايتىپ, باسىلىم بولاشاعىنا ساتتىلىك تىلەدى. جاڭا جۋرنالدىڭ ارقا­­لاي­تىن جۇگى, اتقاراتىن قىز­مە­تى, ايتاتىن ءسوزى, الداعى جوس­پارى تۋرالى بايانداعان «ماڭعىستاۋ-مەديا» جشس ديرەكتورى ع.مەلدەش جۋرنال­دىڭ جارىق كورۋىنە قولداۋ كورسەتكەن وبلىس باسشى­لى­عىنا وقىرماندار اتىنان ريزا­شىلىعىن ءبىلدىردى. قۋانارلىعى – «شەرقالا» جۋرنالى ەندى ءسىزدى «ەير-استانا» ۇشاعى بورتتارىندا دا قارسى الماق. وسىنى تۇسىنگەن جاڭا جۋر­نالدىڭ باس رەداكتورى ماڭ­دايلى قوسىمباي سەنىم ۇدەسىنەن شىعۋعا تىرىساتىندىعىن, جۋرناليستيكا سالاسىندا جي­عان ءىس-تاجىريبەسىن ايان­باي جۇم­سايتىندىعىن جەت­كىز­دى. ەلىمىزدىڭ باس گازەتى, حال­قىمىز­دىڭ نەبىر مارقاسقا ازاماتتارى ەڭبەك ەتكەن, تالاي جاس قاناتتىڭ توپشىسىن قاتايتىپ, توماعاسىن سىپىرعان «ەگەمەن قازاقستاننىڭ» مەكتەبىنەن ءوت­كەن, جەرگىلىكتى «ماڭعىستاۋ» گازە­تىن 11 جىل باسقارىپ ىسىل­عان, رەسپۋبليكاعا تانىمال ءجۋرناليستىڭ قولىندا ەندى جاڭا جۋرنال تىزگىنى مەن تاعدىرى. وقىرماننىڭ ىزدەگەنى تابىلىپ, رۋحاني ءشولىن باساتىن, جانىن سۋساتاتىن جۋرنالى بولعاي! گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى.