اتاپ ايتقاندا, كومپانياعا 100 اقش دوللارىن قولما-قول سالعان ادام كۇنىنە ينۆەستيتسياسىنان 0,5-2% تابىس تاباتىنى ۋادە ەتىلگەن.
قازىر پيراميدا ۇيىمداستىرۋشىلارىنا قاتىستى تەرگەۋ جۇمىستارى باستالدى. كۇدىكتىلەر ءۇي قاماقتا.
اگەنتتىك تاعى دا ازاماتتاردى وتە ساق بولۋعا, قارجى پيراميدالارىنا تارتاتىن الاياقتاردىڭ الداۋىنا ءتۇسىپ قالماۋعا شاقىرادى.
«قارجى پيراميدالارىنىڭ باستى ماقساتى – كاپيتالدى جىلدام ءارى وڭاي جولمەن ەسەلەپ الۋدى ۇسىنىپ, سەنگىش ادامداردىڭ ەسەبىنەن پايدا تابۋ ەكەنىن ءبىلۋ كەرەك», دەلىنگەن اگەنتتىك حابارلاماسىندا.
ەسكە سالا كەتسەك, پارلامەنتى ءماجىلىسىنىڭ توراعاسى ەرلان قوشانوۆ قارجى پيراميدالارىنىڭ الاياقتىق ارەكەتتەرىن بىلە تۇرىپ جارنامالاعان ادامداردى قىلمىستىق جاۋاپقا تارتاتىن زاڭ ءبىرىنشى جارتى جىلدىقتا قابىلدانۋى مۇمكىن ەكەندىگىن ايتقان.
ايانا توعانبەك
