فوتو: Zakon.kz
qazaqstan.tv بەرگەن اقپاراتقا ساي, اۋىلى ارالاس, قويى قورالاس جاتقان قوس اۋداننىڭ ماسەلەسىن ءبىرجولا شەشۋ ءۇشىن, جاڭا سۋ قويماسى كەرەك.
كازتالوۆتا ون شاقتى اۋىلداعى 11 مىڭداي حالىق اۋىز سۋدى وسى قاراوزەننەن ءىشىپ وتىر. ال بوگەتتەر توپىراقتان ءۇيىلىپ, قولدان جاسالعان. گيدروقۇرىلعى, قاقپالار اتىمەن جوق. جانجال وبلىسقا جەتىپ, شۋ كوتەرىلگەن سوڭ, بوگەت اشىلدى.
«وزەنگە رەسەي فەدەراتسياسىنداعى پريۋزەنسك سۋ قويماسى ارقىلى 24-25 تەكشە مەتردەي سۋ ءجۇرىپ جاتىر. ونىڭ باسى 49 م3/سەكۋندقا دەيىن كوتەرىلگەن بولاتىن. قازىر جيەش ارقىلى سارىشىعاناق سۋ قويماسىنا سۋ جىبەرۋ جۇمىسى جۇرگىزىلۋدە», دەدى ەركەبۇلان ەرمۇحانوۆ, «قازسۋشار» رمك بقوف كازتالوۆ اۋداندىق ۋچاسكە باسشىسى.
تەگىن كەلگەن ىرىستى ىسىراپسىز جيناپ الۋ ءۇشىن جاڭا سۋ قويماسى سالىنىپ, بوگەتتەردە گيدروقوندىرعى, سۋ ەسەپتەگىش ورناتىلۋى قاجەت. بىراق بيىل جوسپارلانعان جالپاقتال سۋ قويماسىنىڭ جوبالىق-سمەتالىق قۇجاتتاماسى ءالى جاسالماپتى. بۇل ءىس ىلگەرىلەمەي, جىل سايىنعى جانجالدىڭ قايتالانا بەرەرى انىق.
«تاسقىن سۋ مىناۋ كەلىپ جاتقان. نەگىزى بىلتىر كوميسسيا قۇرعاندا 50/50 ەتىپ, جالپاقتال مەن جاڭاقالا ءبولىسىپ الۋى كەرەك دەپ شەشتى. ونىمەن كەلگەن سۋ جالپاقتالدا ءبىر اپتاداي ۇستالىپ قالدى. تەك ءۇش كۇندەي بولدى اشىلعانىنا. جاڭا-جاڭا باسى ءتۇسىپ جاتىر. كۇتىپ وتىرمىز سۋدى», دەدى ەربول تولەۋعاليەۆ «قازسۋشار» رمك بقوف جاڭاقالا اۋداندىق ۋچاسكە باسشىسى.
