كۇش اتاسىن تانىماس
قىزىلوردادا اۋىر اتلەتيكادان ەرلەر مەن ايەلدەر اراسىنداعى قازاقستان چەمپيوناتى ءوز مارەسىنە جەتتى. جارىستىڭ سوڭعى كۇنى تومەندەگىدەي ناتيجەلەر تىركەلدى.
81 كيلو سالماقتاعى الماتىلىق ەلامان سەيىتقازىنىڭ اسقان شەبەرلىگىنە ءتانتى بولدىق. ۇلتتىق قۇراما ساپىنا بىلتىر عانا ىلىككەن جاس ورەن قوسسايىستىڭ قورىتىندىسى بويىنشا 341 (150+191) كيلولىق زىلتەمىردى تىك كوتەرىپ, باس جۇلدەنى ولجالادى. ريو وليمپياداسىنىڭ قولا جۇلدەگەرى, دۇنيەجۇزىلىك ۋنيۆەرسيادا مەن ازيا چەمپيوناتىنىڭ جەڭىمپازى, وسكەمەندىك دەنيس ۋلانوۆ كۇمىس مەدالدى قاناعات تۇتتى. قانداسىمىز اتاقتى قارسىلاسىنان 39 كيلو ارتىق سالماقتى ەڭسەردى. +109 كيلو سالماق دارەجەسىندە كۇش سىناسقان زىلتەمىرشىلەر اراسىنداعى باسەكە وتە شيەلەنىستى ءوتتى. باس جۇلدە ءۇشىن تارتىس شىعىس قازاقستان وبلىسىنىڭ وكىلى دميتري كاپلين مەن شىمكەنتتىك يبراگيم بەرسانوۆ اراسىندا ءوربىدى. ەكەۋى دە حالىقارالىق دارەجەدەگى سپورت شەبەرلەرى. بۇل ايقاستا العاشقىسىنىڭ اسىعى الشىسىنان ءتۇستى. كاپلين 365 (162+203) كيلولىق كورسەتكىشكە قول جەتكىزسە, بەرسانوۆ ودان ءبىر كيلو كەم كوتەردى.
سونداي-اق جارىستىڭ سوڭعى كۇنى تالدىقورعاندىق سەرگەي پەتروۆيچ (89 كيلو), اتىراۋلىق نۇرعيسا ادىلەت ۇلى (96 كيلو) جانە قاراعاندىلىق كيريلل ستاروۆەركين (102 كيلو) مەن ارتەم انتروپوۆ (109 كيلو) جەڭىس تۇعىرىنىڭ ەڭ بيىك ساتىسىنا كوتەرىلدى.
UFC-دە كۇش سىناسادى
ارالاس جەكپە-جەك الەمىندەگى ەڭ بەلدى ۇيىم – UFC تاعى ءبىر قازاق سپورتشىسىمەن تولىعادى. 11 ماۋسىمدا سينگاپۋردە وتەتىن جارىستا ماقسات قايسار وكتاگونعا شىعادى.
قىتايدا تۋىپ-وسكەن قانداسىمىز بىلتىر Dana White’s Contender Series تۋرنيرىندە قىراعى مامانداردىڭ نازارىنا ىلىكتى. ول كانادالىق احيلەس ەسترەمادۋرانى ۇتقاننان كەيىن بىردەن كوپشىلىكتىڭ قوشەمەتىنە بولەندى. ءتىپتى UFس-ءدىڭ قوجايىنى دانا ۋايتتىڭ ءوزى: «بۇل جىگىتتىڭ قايسارلىعى مەن جانكەشتىلىگىنە ءتانتى بولدىم. باسەكە بارىسىندا بىرنەشە اۋىر سوققى السا دا بىلق ەتكەن جوق. كەرىسىنشە, وزىنە دەگەن سەنىمدىلىگىن جوعالتپاي, سوڭىنا دەيىن ايانباي ايقاستى. ول نەبارى 21 جاستا. ادەتتە ءبىز UFس-گە تىم جاس سپورتشىلاردى قابىلداي بەرمەيمىز. بىراق بۇل اڭگىمەنىڭ قايسارعا ەش قاتىسى جوق. ونداي جاۋجۇرەك جىگىتتەر بىزگە كەرەك», دەپ اقتارىلا سويلەگەن ەدى.
كۇنى بۇگىنگە دەيىن ماقسات قايسار جەتى جەكپە-جەك وتكىزىپ, سونىڭ التاۋىندا جەڭىسكە جەتتى. UFس-دەگى ءوزىنىڭ تۇساۋكەسەر كەزدەسۋىن ول امەريكالىق ستيۆ گارسيامەن (12-4) وتكىزەدى. ال سينگاپۋردەگى جارىستىڭ باستى باسەكەسىندە جارتىلاي اۋىر سالماقتاعى برازيليالىق گلوۆەر تەيشەيرا (40-7) مەن چەحيالىق يرجي پروحازكا (32-3-1) ايقاسادى.
D توبىندا وينايدى
ءۇندىستاننىڭ استاناسى – نيۋ-دەليدە 14 جاسقا دەيىنگى تەننيسشىلەر اراسىنداعى الەم چەمپيوناتىنىڭ ازيا جانە تىنىق مۇحيت ايماعى بويىنشا ىرىكتەۋ ءتۋرنيرى باستالدى.
قازاقستان قۇراماسى D توبىندا ونەر كورسەتۋدە. ءبىزدىڭ جاس ورەندەر وزدەرىنىڭ تۇساۋكەسەر كەزدەسۋىن يندونەزيامەن وتكىزدى. ودان كەيىن شري-لانكا جانە پاكىستانمەن كۇش سىناسادى. وسى توپتا تەك ۇزدىك شىققان كوماندا عانا ىرىكتەۋ ءتۋرنيرىنىڭ كەلەسى كەزەڭىنە وتەدى. جەرلەستەرىمىز بۇل جوسپاردى ويداعىداي جۇزەگە اسىرادى دەگەن ويدامىز. سەبەبى قارسىلاستارىمىز اناۋ ايتقانداي اسا ازۋلى ەمەس. ولارعا قاراعاندا قازاق ەلىنىڭ قۇراماسىنىڭ قارقىنى الدەقايدا كۇشتى. ءبىزدىڭ كوماندا ساپىندا زاڭعار نۇرلان ۇلىن ايرىقشا اتاپ وتۋگە بولادى. ول جاسوسپىرىمدەر اراسىندا Tennis Europe (TE) رەيتينگىندە جەكە-دارا كوش باستاپ تۇر. سونداي-اق دامير جالعاسباي پەن دانيەل تازابەكوۆتىڭ دە اياق الىستارى جاقسى.
